Parlament Májilisiniń Halyqaralyq ister, qorǵanys jáne qaýipsizdik komıtetiniń tóraǵasy Ámzebek Jolshybekov aldaǵy aptada ótetin halyqaralyq ǵylymı-tájirıbelik konferensııanyń daıyndyǵy jóninde jumys tobynyń otyrysyn ótkizdi.
Otyrysta atalǵan komıtettiń hatshysy Vıktor Rogalev qandaı is-sharalar atqarylyp jatqanyn baıandap berdi. Májilis Apparatynyń salalyq bólimderine konferensııany uıymdastyrýǵa qatysty birqatar mindetter júkteldi.
Qazaqstan Parlamentiniń uıymdastyrýymen 29 qyrkúıekte bolatyn «Jańa álemdegi jańa Qazaqstan: Táýelsizdikke 20 jyl» atty halyqaralyq ǵylymı-tájirıbelik konferensııaǵa shetelden birqatar parlamentshiler, ǵalymdar men sarapshylar shaqyrylǵan.
«Qazaqstan memleketiniń 20 jyldaǵy órkendeý joly, qol jetkizgen tabystary jarııa etiletin alqaly basqosýdy joǵary deńgeıde ótkizý – barshamyzdyń abyroıly mindetimiz», – dedi Ámzebek Jolshybekov, dep habarlady osy palatanyń baspasóz qyzmeti.