Yntymaqtastyq jaıy qozǵaldy

Májilis depýtattary Serik Temirbolatov, Svetlana Ferho jáne Daýylbaı Qusaıynov Vengrııa Respýblıkasynan kel­gen delegasııamen júzdesti, dep habarlady osy pala­tanyń baspasóz qyzmeti. Májilis depýtaty, «Ven­grııa-Qazaqstan» yntymaq­tas­tyǵy tobynyń jetekshisi S.Temirbolatov meımandarǵa mem­le­ketimizdiń ishki jáne syrtqy saıasattaǵy ustanymy, Parla­menttiń qurylymy týraly aı­typ ótti. Ol qos memleket ara­synda dostyq baılanys orna­ǵanyn, sonyń nátıjesinde saý­da-ekonomıkalyq qarym-qaty­nas óris alyp kele jatqanyn jetkizdi. Agrarlyq salamen aı­nalysatyn eki el úshin de aýyl sharýashylyǵyn damytý máse­lesi óte mańyzdy. Vengrııa Aýyl sharýashy­lyǵy jáne aımaqtardy damy­tý mınıstri, «Vengrııa-Qazaq­stan» yntymaqtastyǵy toby­nyń jetekshisi Dr.Shandor Fazekash óz eliniń tájirı­be­lerimen bólisti. Taraptar suhbat barysynda mádenı-gýmanıtarlyq sala boı­ynsha baılanys jasaý jaıyn da sóz etti. Sondaı-aq Eýropa tóri­ne baryp qonys tepken qyp­shaq­tar jaıly, olardyń salt-dás­túri jóninde de áńgime órbidi. Meıman parlamentshilerdi óz eline, onyń ishinde qypsh­aqt­ar­dyń urpaǵy turatyn aýdan­dar­dy kelip kórýge shaqyrdy. Má­ji­lis depýtattary bul shaqyrý­ǵa rızashylyqtaryn bildirdi. Kezdesýge Vengrııa Aýyl sha­rýashylyǵy jáne aımaq­tardy damytý mınıstriniń oryn­ba­sary – osy eldiń Memlekettik hatshysy Imre Farkash, son­daı-aq Vengrııanyń Qazaq­standaǵy Tótenshe jáne ókiletti elshisi Imre Lasloskı qatysty. Sýretti túsirgen  Saılybaı MAILYBAEV.