Qyzyljar óńirinde «Qoǵamdy ıdeıalyq toptastyrý – Qazaqstan damýynyń mańyzdy baǵyty» degen taqyrypta úkimettik emes uıymdardyń kezekti forýmy ótti. Oǵan 250-deı delegat qatysyp, túrli máseleler boıynsha pikir alysty. Táýelsizdik jyldarynda qol jetken tabystar qorytyndylandy.
Oblysta 260-qa jýyq ÚEU jumys isteıdi. Ýaqyt ótken saıyn olardyń belsendiligi artyp, bılik oryndarymen qarym-qatynasy nyǵaıyp keledi. San-salaly baǵyttar boıynsha áleýmettik mańyzy zor 200-den astam joba qabyldanyp, 134 mıllıon teńge jumsaldy. «Qyzyl Jarty Aı», qalalyq múgedekter qoǵamdarynyń, «Adon-Sever» birlestiginiń is-tájirıbeleri jan-jaqty qoldaýǵa ıe. Oblystyq isker áıelder assosıasııasynyń bastamasymen jer-jerlerde áıelder klýby qurylyp, az qamtylǵan otbasylar úshin áleýmettik dúkender ashyldy. Jas urpaq boıyna qazaqstandyq patrıotızmdi uıalatýda 66 myń balǵyndy biriktiretin «Jandostar» balalar assosıasııasy atqarǵan sharýalar aıtarlyqtaı.
Alda budan da zor mindetter tur. Osy oraıda jıynda oblys ákimi Serik Bilálov sóz sóılep, el ómirindegi ÚEU-lardyń mańyzdy rólin atap ótti. Azamattyq ınstıtýttardyń múmkindikterin tıimdi paıdalanýdy usyndy. Kelesi jyldan bastap áleýmettik qarjylandyrýdy jergilikti bıýdjet esebinen sheshýdi tıisti oryndarǵa mindettedi.
Forýmda jyldyń úzdik úkimettik emes uıymdarynyń konkýrsy qorytyndylanyp, 14 atalym boıynsha jeńimpazdar anyqtaldy.
О́mir ESQALI,
Soltústik Qazaqstan oblysy.