«Samuryq-Qazyna» qazaqstandyq óndirýshilerdi qoldaıdy

Taıaýda «Samuryq-Qazy­na» ult­tyq ál-aýqat qory AQ Basqarma tór­aǵasy Tımýr Qulybaev «Qaz­Mu­naıGaz» kom­panııasy tobynyń satyp alý kezinde qazaqstandyq taý­ar­lardy qamtýyn ulǵaıtý má­se­lesi jónindegi keńeske qatysty. Is-sharaǵa «QazMunaıGaz» UK» AQ-tyń, «QazMunaıGaz» Barlaý О́ndirý» AQ-tyń, «QazTransOıl» AQ-tyń, «QazTransGaz» AQ-tyń, «AMО́Z» JShS-nyń, «PSA» JShS-nyń, NCOC, Karachaganak Petroleum Operating BV, «Teńiz­shev­roıl» JShS-niń, Qazaqstan­nyń mashına jasaý odaǵynyń, sondaı-aq otandyq taýar ón­di­rý­shi kompa­nııalardyń basshylary qatysty. «Bizdiń aldymyzda qazaq­stan­dyq qam­týdy 60%-ǵa deıin jetkizý min­deti tur, bıznes men negizgi tap­syrys berýshi birigip ony oryndaýǵa kiriseıik. «Qaz­Munaı­Gaz» jáne «Samuryq-Qazyna» qa­­za­qstandyq kásipkerlerdiń qaty­sýy­men kásiporyn­dar qurýǵa jan-jaqty qoldaý kórse­tedi», – dep atap kórsetti Qulybaev. «QazMunaıGaz» UK» AQ Bas­qar­ma tóraǵasy Qaıyrgeldi Qa­byldın qazirgi ýaqytta QMG UK baqylaý-ólsheý aspap­ta­ryn, bu­ran­d­aly sorǵylardy, gaz taratý pýnktterin, ártúrli elektr teh­nıkalyq buıymdardy, súzgilerdi, pakerlerdi, bur­ǵy­laý qubyrla­ryn jáne t.b. shyǵaratyn Qazaq­stan­da 21 jańa óndiris uıym­das­tyrý jóninde jumys júrgizip jatqanyn habarlady. Qabyldan­ǵan sharalar nátı­jesinde otan­dyq kásiporyndarda 600-den astam jumys orny ashylatyn bo­lady. Ol qazaqstandyq qamtýdy ulǵaıtý perspektıvalaryn belgilep, otandyq ká­siporyndardyń basshylaryn Qazaq­standa jetkiliksiz óndiriletin taýar­lardy, onyń ishinde hımııalyq reagentter, zerthanalyq jáne elektrli jaryq túsirgish jabdyq, sorǵy agregattaryn shyǵarýǵa sha­qyr­dy. О́z kezeginde, Tımýr Qulybaev Aty­raý MО́Z-inde hosh ıisti kó­mir­sýtegin óndiretin keshen salý jáne «Beıneý-Bozoı-Shymkent» gaz qubyryn salý syndy osyn­daı iri jobalarǵa qatysýǵa qazaq­standyq óndirýshilerdi tartý boı­ynsha sharalar qabyldaýdy tap­syrdy. Ol Qashaǵan ken ornyn da atap ótti. «Biryńǵaı keshendi tá­sildeme tańdaý qajet. «Samuryq-Qazyna» óz tarapy­nan óndiristi uıymdastyrý boıynsha joba­lar­dy qarjylandyrý, tehnıkalyq jáne uıymdyq qoldaýǵa ýáde beredi», – dep sendirdi. Keńeste qazaqstandyq óndirý­shiler álemdik standarttarǵa sáı­kes kelýge, óz óni­miniń sapasyn jaqsartýǵa, qunyn azaı­­týǵa, qor­shaǵan ortany qorǵaý men onyń qaýipsizdigi standarttaryna sáı­kes ke­lýge tyrysýy qajet ekeni atalyp ótildi. «Egemen-aqparat».