Baǵdarlama barysymen tanysty

Eńbek jáne halyqty áleýmettik qorǵaý mınıstri Gúlshara Ábdiqalyqova Soltústik Qazaqstan oblysyna jumys saparynda óńirde «Jumyspen qamtý-2020» baǵdarlamasyn iske asyrýdyń barysymen tanysty. 2011 jyly oblysta «Ju­mys­pen qamtý-2020» baǵdarlamasyna qatysýshylardyń sany 7 myńnan astam adamdy, úsh baǵyt boı­ynsha is-sharalardy iske asyrýǵa arnalǵan qarjy kólemi 1, 8 mlrd. teńgeni quraıdy. Oblysta 986 adamdy oqy­tý­men qamtý  kózdelip otyr. 2011 jyly osy maqsatqa bir jyldan úsh jylǵa deıingi oqý merzimimen 395 adamdy kásibı daıarlaý jáne 591 adamdy qaıta daıarlaý nemese biliktiligin arttyrý úshin 116,0 mln. teńge qarjy bólý jos­par­lanǵan. Shyǵystarda oqýǵa jáne shákirtaqyǵa, al qaladan tys jerlerdegi azamattarǵa turýyna jáne jol júrýine qarjy qaras­tyryl­ǵan. Budan ózge, jalaqyny ishinara sýbsıdııalaı otyryp, 366 adam áleýmettik jumys oryn­daryna or­nalastyrylatyn bo­la­dy, osy­ǵan  52,3 mln. teńge qarjy bólindi. 2011 jyly áleýeti tómen aýyl­dar­dan 222 otbasyn (888 adamdy) kóshirýge 1,4 mlrd. teńge mólsherinde qarjy bó­lindi. Baǵdarlamany iske asyrý úshin árbir aýdanda jáne Petropavl qala­synda Jumyspen qamtý ortalyqtary quryldy. Sapar barysynda mınıstr 2011 jyl­dyń 1 shildesinen bastap iske kirisken Petropavl qalasy jumyspen qamtý ortalyǵynyń jumysymen tanysty. Ortalyqta 13 qyzmetker jumys isteıdi. 2011 jylǵa arnalǵan respýblıkalyq bıýdjetten ortalyq qyzmetine 56,1 mln. teńge qarjy bólindi. О́z betinshe jumyspen aına­ly­sý­shy­lardy, jumyssyzdardy jáne tabysy az adamdardy oqytý jáne olardyń ju­mys­qa ornalasýyna járdemdesýdi kóz­deıtin baǵdarlamanyń birinshi baǵyty aıasynda oqytýmen tanysý maqsatynda Mınıstr temir jol kóligi kolledjinde boldy. Onda oqý prosesimen, oqy­tý­shylar quramymen jáne oqý kabı­net­teriniń zamanaýı quraldarymen jáne zerthanamen tanysty. Sondaı-aq, sapar barysynda Gúl­shara Ábdiqalyqova basqa da kásip­oryndarda bolyp, qatysýshylarymen kezdesti. «Egemen-aqparat».