«Ata-ana baqylaýy» qyzmeti balalardyń kórýine bolmaıtyn saıttardy buǵattaýǵa jáne balalardyń qandaı resýrstarǵa kirgeni týraly esep alýǵa, sonymen qatar kúmándi jandarmen qaym-qatynasyn qadaǵalaýǵa múmkindik beredi.
Bul qyzmet bir jaǵynan belgili bir kúnder men ýaqytty shekteý arqyly, oqý men oıynǵa ýaqyt bólýge múmkindik beredi. Ári ınternetke qosylǵan balalar qurylǵylary arqyly balanyń júrgen jerin anyqtaýǵa járdemdesedi, sondaı-aq bala belgilengen aýmaqtan shyǵyp ketetin bolsa, sıgnal beredi.
Beeline Qazaqstannyń Bas Kommersııalyq dırektory Oleksandr Komarov aıtýynsha, kompanııa bir aı buryn «Qaýipsiz ınternet» respýblıkalyq eriktiler jobasyn iske qosyp, qyzmetkerleri barlyq qalalarda oqýshylarǵa jelide ózin qalaı qorǵaý kerek ekeni týraly aqparat bergen.
«Bul sheshim – bizdiń balalardy qorǵaý jónindegi keshendi baǵdarlamanyń tehnologııalyq bólshegi. Balalarǵa, jasóspirimderge, pedagogtar men áleýmettik jumyskerlerge arnalǵan qosymsha bilim – jobanyń mańyzdy quramdas bóligi bolyp tabylady, ony qazir kez kelgen bilim mekemesi úshin yńǵaıly mýltımedııalyq formatta alýǵa bolady», deıdi Orta Azııa men Mońǵolııadaǵy Kasperskıı Zerthanasynyń basqarýshy dırektory Evgenıı Pıtolın.
Aınash ESALI, «Egemen Qazaqstan»