5547-shi ÁSKERI BО́LIMI AShYLDY
О́tken sársenbide Qyzylorda qalasynyń ortalyq alańynda Ishki ister mınıstrligi ishki áskerleriniń 5547-shi áskerı bóliminiń ashylý saltanaty bolyp, jaýyngerlik tý tapsyryldy. Oǵan oblys ákimi Bolatbek Qýandyqov pen Ishki ister mınıstriniń orynbasary, general-maıor Amantaı Kúreńbaev qatysyp, sarbazdarǵa júrekjardy lebizderin jetkizdi.
Álem elderindegi lańkestik pen ekstremızmniń ósýine baılanysty ishki áskerlerdiń 5547-shi áskerı bólimine qaýipti qylmystardyń, dıversııalardyń, lańkestik aktilerdiń jáne qarýly qaqtyǵystardyń aldyn alý mindetteri júktelgen.
О́tken jyldyń jeltoqsan aıynan beri áskerı bólimge elimizdiń basqa aımaqtarynan da jaýyngerlik boryshtaryn óteý úshin azamattar kelgen. Olar qaladaǵy qoǵamdyq tártipti qamtamasyz etý baǵytyndaǵy qyzmetterine kirisip te ketti. Sondaı-aq, áskerı jasaqtar ishki ister departamenti qyzmetkerlerimen birge oblys ortalyǵynda patrýldik beketter qyzmetterin de uıymdastyrýda.
Erkin ÁBIL, Qyzylorda.
JAŃA JOBAǴA TIIаNAQTY DAIYNDYQ
Elimizdiń bilim salasynda 2001 jyldan bastap “О́zin ózi taný” jobasy tájirıbeden ótkizilip kele jatqany belgili. Mektepke deıingi mekemelerden bastap joǵarǵy oqý oryndaryna deıingi jastaǵy balalardy ózgelerge elikpeýge, óziniń talantyn, múmkindikterin jetildirýge, óz isine, áreketine jaýapkershilikti sezinýge, ózin qorshaǵan ortamen úılesimdi ómir súrýge, qoǵamǵa paıda keltirýge, ózin-ózi jetildirýge tárbıeleıtin bul joba kelesi oqý jylynan bastap bilim júıesinde arnaıy pán retinde júrgiziletin bolady. Aqtóbe oblystyq balalar quqyqtaryn qorǵaý departamenti men oblystyq kadrlar biliktiligin arttyrý jáne qaıta daıarlaý ınstıtýty birigip ótkizgen brıfıngte keltirilgen derekter boıynsha, bul jobany tájirıbeden ótkizý tórt balabaqshada, bir balalar úıinde, on mektepte, eki joǵary oqý ornynda júrgizilip otyrǵan kórinedi. Olarda osy pándi 1864 bala oqıdy eken. “О́zin ózi taný” jobasy tájirıbesinen eki kitapsha, tórt búkteme shyǵarylypty. Qazirdiń ózinde 604 muǵalim “О́zin ózi taný” páni boıynsha qaıta daıarlyqtan ótipti. Bul jobanyń mánin túsindirý maqsatynda oblystyq teledıdardan eki aptada bir ret shyǵatyn telejýrnal uıymdastyrylypty. Jalpy, oblystyń bilim salasynda bul jobany jeke pán retinde júrgizýge daıyndyq jaqsy.
Satybaldy SÁÝIRBAI, Aqtóbe oblysy.
“NURLY KО́Sh” NURYN ShAShA BASTADY
2009-2011 jyldarǵa arnalǵan “Nurly kósh” baǵdarlamasy ártúrli jaǵdaımen elinen jyraqta júrgen qandastarymyzdyń óz otanynda irge kóterýine jáne elimizdiń ál-aýqaty tómen aýdandaryndaǵy Qazaqstan azamattarynyń áleýmettik jaǵdaıyn jaqsartýǵa baǵyttalǵan. О́tken jyly “Nurly kósh” baǵdarlamasy aıasynda úsh aımaqta, Ońtústik Qazaqstan, Shyǵys Qazaqstan oblysynyń Kýrchatov qalasynda jáne Aqmola oblysyna qarasty Kókshetaý qalasynyń Krasnyı-Iаr aýylynda baǵdarlamanyń tusaýkeser jobasy júzege asyrylǵan bolatyn. Pılottyq jobaǵa qatysýshylar úı salynyp jatqan kezeńde, 5,5 jyldyń ishinde depozıtte páter qunynyń 50 paıyzyn jınaqtaý maqsatynda bankpen kelisim-shart jasasyp, shotqa aqshalaryn sala bastaıdy. Olardyń salymyna ádettegideı jyl saıynǵy bank paıyzdary (2%) men memleket syıaqysy qosylyp otyrady. Baspana qurylysy aıaqtalǵannan soń jobaǵa qatysýshy úıdi jalǵa alady. Qajetti qarjynyń alǵashqy bóligin jınaǵannan keıin bankten ekinshi jartysyn 10 jylǵa 4,5 paıyzdyq jyldyq mólshermen alyp, turyp jatqan úıin satyp alý múmkindigi bar. Atalǵan joba aıasynda qazirde Turǵyn úı- qurylys jınaq banki jergilikti ákimdikpen, áleýmettik-kásipkerlik korporasııalarmen yntymaqtasa jumys isteýde .
О́tken jylǵy málimet boıynsha Ońtústik Qazaqstan oblysynda atalǵan baǵdarlamaǵa qatysýǵa 650 adam ótinish berse, onyń 465-i bank salymshysy atandy. Jobanyń aıasynda 239 turǵyn úı salynyp, onyń 138-i paıdalanýǵa berildi. Al Shyǵys Qazaqstan jáne Aqmola oblystarynda atalǵan joba sheńberinde salynatyn úılerdiń qurylysy júrip jatyr.
“Egemen-aqparat”.