О́zbek aǵaıynmen ortaq múdde bar

Qos­tanaı oblysy elimizdegi mashına jasaý salasynyń iri ortalyǵyna aınalyp keledi. «AgromashHoldıng» jáne «SaryarqaAvtoProm» mashına qurastyrý zaýyttarynan qazir úzdik aýylsharýashylyq tehnıkalary men Toyoto, Ssang Yong, Ivego, JAC sekil­di álemdik brendter sapqa qoıylady. Qostanaı oblysy ekonomıkanyń damý yrǵa­ǵyn eseleý úshin jan-jaqty ıntegrasııalyq izdenisterge baryp otyr. Qazaqstannyń óndirisi de, aýyl sharýashylyǵy da damyǵan aımaǵy sanalatyn Qostanaı oblysy men О́zbek­stan Respýblıkasynyń bir-birinen alatyny da, úıre­neti­ni de barshylyq. Mashı­na jasaý salasy О́zbekstan­da da da­myp otyr. Naýryz aıynda Astanada ótken bıznes-forým­ǵa kelgen saparyn­da О́zbek­stan prezıdenti men Qos­t­a­naı oblysynyń bas­shyly­ǵy avtokólik óndi­risin­degi oshaq­tandyrý jóni­nen kelisim jasaǵan bolatyn. Jaqynda oblys ákimi Arhımed Muhambetov bastaǵan Qostanaı delegasııasy О́zbekstanda bolyp qaıtty.  − Biz Tashkent jáne Samar­qan qalalarynda ózbek­standyq bıznes ókilderi­men kezdestik. Sapar maqsaty táji­rıbe almasý, zerdeleý bola­tyn. Qostanaıdaǵy «Sary­arqaAvtoProm» men ózbek­standyq «G Uzbekiston» zaýyttary yntymaqtasa jumys isteıtin bolady. Taıaý arada О́zbekstan jaǵynan biz úsh myń mashına jınaqtalymyn alyp, ózimizde qurastyryp, sapqa qoıamyz, − deıdi Arhımed Begejanuly.  Degenmen, qostanaılyq «SaryarqaAvtoProm» kásip­orny­nyń ózbekstandyq árip­tesimen yntymaǵy zaýyt­taǵy ıgi isterdiń bir parasy ǵana. Qostanaılyq zaýyttyń ne­gizgi maqsaty aldaǵy ýaqytta elekt­romobılder óndirý bolyp otyr. EKSPO-2017 halyq­aralyq kórmesine oblys JAC elektromobılderin aparady.  Qostanaı oblysy delega­sııasynyń О́zbekstanǵa saparynda týrızm máselesi eki jaqtyń negizgi ortaq múddesi ekeni aıtyldy. Tashkenttiń túbinde «Chımgan» týrıstik keshenin ózbek aǵaıyndar óz­deriniń ekinshi Shveısarııa­sy dep ataıdy. Tarıhy tereń Samarqan, Buhara da qashan­nan týrısterdiń súıikti ornyna aınalǵan. Mundaı qyzyq­ty oryndy kórshi elden kóptep sanaýǵa bolady. Arhımed Muhambetov qos­ta­naılyq týrızm fırmalary muny óz baǵyttaryna qosatyndyǵyn aıtty. Eki el arasyndaǵy týrızmdi jandandyrý máselesin Qa­zaq­stannyń О́zbekstandaǵy Tó­tenshe jáne ókiletti elshisi Erik О́tembaev ta qozǵady.  – Biz qazir Uly Jibek joly baǵytyn damytý úshin arnaıy usynys ázirlep jatyrmyz. Túrkistan, Shymkent, Samar­qan qalalary bul baǵyt­tyń negizgi beketterine aınalady. Bul baǵytta jasalatyn jobalar eki eldiń yntymaǵyn kú­sheı­te túsedi, − dedi Erik О́tembaev. Sapar barysynda aýyl sharýa­shylyǵy jáne ózge sala­lardaǵy taýar almasý máse­lesi qaraldy. Bul oraıda О́zbek­stannyń kókónisi men Qosta­naıdyń altyn astyǵy aldymen aýyzǵa ilindi.  – Qostanaı oblysy óte tıimdi jerde ornalasqan. Ol Re­seı­diń úsh oblysymen shek­tesedi, bizdiń oblystan 600 sha­qyrym radıýsta shamamen 20 mıllıon halyq bar. Qos­tanaıdaǵy ındýstrııa­lyq aımaqqa óz kásiporyn­daryń­­dy salyp, onyń óni­min Reseı naryǵyna alyp shyǵý­ǵa to­lyq múmkindik bar. Biz Re­seı Federasııasymen bir eko­nomıkalyq odaqtamyz. Son­dyqtan, kórshimizben taýar aı­nalymy jyl saıyn artyp keledi. Qazir Qazaqstan arqy­ly ótetin Batys Eýropa – Batys Qytaı jolynyń qurylysy salynýda. Sondyqtan, bul baǵyt­ta logıstıkany óte tıimdi paıdalanýlaryńyzǵa bolady, − dedi oblys ákimi Arhımed Muhambetov Tashkent pen Sa­marqan qalalary bıznes ókil­derimen kezdesýde.  Osy oraıda, Qostanaı oblysy iri transulttyq logıs­tı­kalyq ortalyqqa aınalatyn bolady. Qostanaı oblysy áki­miniń orynbasary Meıir­jan Myrzalıev О́zbekstanǵa Qostanaı jerinen óndiriletin azyq-túliktiń eksporttyq qýa­tynyń myqtylyǵyn tilge tıek etti. Mal eti, astyq, bas­qa da azyqtyq zattardy О́z­bek­­­stanǵa jiberýge, olar­dy Qos­tanaıdyń qunar­ly topy­raǵyn­da ózbek kásipker­leriniń jy­lyjaı, mal fermalaryn salyp, ózderi óndirýine de múmkindik jasalatynyn aıtty. Qostanaılyq delegasııa ózbek aǵaıyndarǵa múmkindik jasaý­dy beker usynǵan joq. Keler jyly oblys ortaly­ǵynda agroónerkásiptik logıs­tı­ka­lyq hab-qoımanyń qury­lysy aıaqtalmaq. Ol zamanaýı tońazytqyshtarmen, muz­dat­qyshtarmen jabdyq­tala­dy. Sonymen qatar, onda aýyl­sharýa­shylyq ónimderin óńdeý alańdary, kólik qoıatyn oryndar, qonaq úıler ornalasady. Kásipkerler úshin osy jerden ónim sertıfıkattaryn berý, kedendik deklarasııalar alý máseleleri sheshimin tabatyn bolady.  Qostanaı oblysy men О́z­bek­­­stannyń taýar aınalysy ótken jylǵy esep boıyn­sha 94 mıllıon dollardy qura­ǵan. Al ústimizdegi jylǵy naý­­ryz aıynda Qazaqstan men О́z­bekstan prezıdentteriniń kezdesýinde eki el arasyndaǵy saýda aınalymyn 5 mıllıard dollarǵa jetkizý qajettigi aıtyldy. Bul úlken mindet ekeni aıqyn. Qostanaı oblysynyń oǵan qosar úlesi jóninde Qa­zaq­stannyń О́zbekstandaǵy Tó­tenshe jáne ókiletti elshisi Erik О́tembaev kóptegen jobalar daıyndalyp jatqanynan habardar etti.  − Eń bastysy, óndiristik sa­ladaǵy damýdy basshylyqqa alatyn bolamyz. Sondyqtan biz klasterlik jobalar jasap jatyrmyz, oǵan Qostanaı oblysy belsendi qatysady. Al aýyl sharýashylyǵyndaǵy taýar aınalymy óz aldyna bir tóbe. Bul oraıda da, О́zbek­stan men Qostanaı oblysy bir­les­ken kásiporyndar qura­dy. Birlesken kásiporyn­dar О́zbekstan jáne Qazaq­stan kásipkerlerine de Eýra­zııa­lyq odaq naryǵyna shyǵý­ǵa múm­kindik týǵyzady. Ekin­shiden, О́zbekstan arqyly Qazaqstan ká­sipkerleri Aýǵan­stan, Pákis­tan, Úndistan nary­ǵyn qamtı­tyn bolady, − dedi elshi Erik О́tembaev. Demek, Qostanaı delegasııa­synyń О́zbekstanǵa sapary El­basynyń ıntegrasııalyq úde­ris­terdi damytý tapsyrma­syn oryndaýda da mańyzdy ekenin aıtqymyz keledi. 

Názıra JÁRIMBETOVA, 

«Egemen Qazaqstan»,

Qaırat MUQATOV,

jýrnalıst

QOSTANAI