«Elbasynyń áleýmettik baǵyttaǵy saıasatynyń arqasynda mádenıet salasyna úlken qoldaý kórsetiledi, shyǵarmashylyq adamdaryna qolaıly jaǵdaı jasalyp otyr. О́tken jyly mádenıet salasyndaǵy ǵımarattardyń jóndelýine bıýdjetten 800 mln teńge jumsaldy. Mine, búgin kórkemónerpazdardyń oblystyq festıvalinde onyń nátıjesin kórip otyrmyz. Oblysta búginde 700-den asa mádenıet nysany jumys isteıdi, olardyń árqaısysynda halyqtyń rýhanı qajetin óteıtin qyzyqty jobalar júzege asyp jatady. Halyq talanttaryn izdep tabýda. Búgingi kórkemónerpazdar halyq shyǵarmashylyǵy festıvaliniń mańyzy úlken. Osy shara aıasynda ósip shyqqan talanttar bizdiń oblystyń dańqyn asyryp júr», – dedi aımaq basshysy. Gala konserttiń aldynda oblystyq festıval júldegerleri marapattaldy. Úshinshi oryndy Jitiqara men Áýlıekól aýdandarynyń kórkemónerpazdary ıelenip, 1 mln teńgeniń sertıfıkatyna ıe boldy. Ekinshi oryndy Fedorov aýdanynyń óner ujymdary alyp, 1 mln 300 myń teńge alsa, birinshi oryn Amangeldi aýdanyna laıyq dep tabyldy. Olarǵa oblys ákimi Arhımed Muhambetov 1 mln 700 myńnyń sertıfıkatyn tapsyrdy. Al festıvaldiń bas júldesi Rýdnyı qalasynyń kórkemónerpazdaryna berildi, olarǵa 2 mln teńge syıǵa tartyldy. Sonymen qatar, osy sharada mádenıet salasyna eńbegi sińgen qyzmetkerler, óner adamdary «Mádenıet salasynyń úzdigi» tós belgisimen, QR Mádenıet jáne sport mınıstrliginiń, oblys ákiminiń maqtaý qaǵazdarymen marapattaldy. Názıra Járimbetova, «Egemen Qazaqstan» QOSTANAI
Kórkemónerpazdar festıvaliniń bas júldesin rýdnyılyqtar aldy
290 ret
kórsetildi
Qostanaıda HHHI oblystyq «Qýatty Qazaqstan—shýaqty Qazaqstan!» atty kórkemónerpazdar halyq shyǵarmashylyq festıvali qorytyndylandy. Oblys ortalyǵynda ótken festıvaldiń gala konsertine halyq kóp jınaldy. Konsertti tamashalýǵa kelgen oblys ákimi Arhımed Muhambetov mádenıet salasynyń jyl saıyn damyp otyrǵanyn aıta kelip, jetistikterge toqtaldy.