«Jasyl kópir» qoldaý tabýda

Keshe Astanadaǵy Táýelsizdik saraıynda Premer-Mınıstr Kárim Másimov «Eýropa úshin qorshaǵan orta» atty mı­nıstr­lerdiń 7 jalpyeýropalyq konferensııasyna qatysqan delegasııa basshylarymen kezdesti. Olardyń ishinde Polsha, Fınlıandııa, AQSh, Shveısarııa jáne basqa da elderdiń qorshaǵan orta mınıstrleri, sondaı-aq halyqaralyq uıymdar ókilderi, BUU Bas hatshysynyń orynbasary Iаn Kýbısh qatysty. Kezdesýde Úkimet basshysy Ká­rim Másimov sý resýrstary jáne ja­syl damý prob­le­ma­lary­nyń bú­gin­gi kúnniń ǵana emes, bolashaqtyń da bas aýyrtar má­se­le­si ekenin atap ótti. «Bul Qazaq­standa da mańyzdy másele. Elimiz sý resýrstary má­se­lesin sheshýmen, ekologııalyq taza da­mýdy turaqty jolǵa qoıyp, qal­dyqtar men shıkizattardy óńdeýdi júzege asyrýǵa kómektesýde. Osy oraıda Astana qalasynda ekolo­gııalyq taza tehnologııalarǵa negizdelgen jaryqtandyrý júıesi qu­rylyp jatyr», – dedi ol. «Birde-bir el klımat ózgerisi problemasyn óz aldyna bólek sheshe almaıdy. Sondyqtan bizge kúsh biriktirgen abzal. Álemde ekologııalyq máselelerdiń bar­ly­ǵy transshekaralyq sıpatqa ıe. Bul, ásirese sý resýrstary men jasyl damýǵa baılanysty. Osyǵan oraı, Qazaqstan Prezıdenti «Jasyl kópir» baǵdarla­ma­syn usyndy. Menińshe, aldyńǵy ótken 6 konferensııada qoldaý tapqan tehnologııalar jasyl eko­nomıkaǵa qosylǵan úlken úles, dep atap kórsetti Premer-Mınıstr. Kezdesý barysynda sóz alǵan delegasııa basshylary konferen­sııa­ny uıymdastyrǵan Qazaqstan tarapyna alǵystaryn jetkizdi. Al BUU Bas hatshysynyń oryn­ba­sary Iаn Kýbısh «Jasyl kópir» atty qazaqstandyq bastama eýro­pa­lyq elder tarapynan qoldaý tap­qandyǵyn aıtyp ótti. «Árıne, keıbir elderde máseleler týyn­daıdy. Olar ondaı suraqtardyń jaýabyn astanalyq bastamadan izdeıdi. Bul elder bastamanyń tu­jyrymdamalary ekijaqty, úshjaqty qarym-qatynastar ar­qy­ly qanatqaqty joba retinde is júzinde jumys isteı bastasa jaqsy bolar edi degendi aıtady. Jalpy alǵanda, Eýropada «Ja­syl kópir» bastamasyna qoldaý bar dep esepteýge bolady. Tek keıbir bólimderi boıynsha pikirtalastar júrýde, dep atap ótti Iаn Kýbısh. BUU Bas hatshysy oryn­basarynyń aıtýynsha, bastama naqty jobalar arqyly júzege asýǵa daıyn. Keıbir halyq­ara­lyq uıymdar bastamadaǵy qa­nat­qaqty jobalardy qoldamaq nıette kórinedi. «Jasyl kópir» 2012 jyly Brazılııada 4-5 maýsymda ótetin RIO+20 sammıtinde tal­qy­lanatyn bolady. Talqylanyp qana qoımaı, menińshe naqty dá­leli, joba úlgileri keltiriletin bolady degen pikirdemin», dedi ol. Klımat qazirdiń ózinde úlken ózgeristerdi bastan keshirýde. Jasyl ekonomıkany búkil álem elderi bas qosyp, birge damyt­pa­sa klımat orny tolmas qater­ler­ge ushyraýy múmkin. 2012 jyly ótetin myńjyldyq sammıti qar­sańynda jasyl damýdy birige oty­ryp júzege asyrýdy na­sı­hattaǵan 3 kúndik konferensııa osylaısha óz máresine jetti. Venera TÚGELBAI.