«Qazirshe Danııar bizge naqty eshteńe aıtqan joq. Eger ol Ulttyq quramaǵa oralý týraly usynysyn aıtsa, biz qarsy emespiz. Danııar sııaqty boksshy Ulttyq quramaǵa qajet. Eleýsinov kóz aldymyzda ósken boksshy ǵoı. 2010 jyldan beri bapkerler quramy ony jattyqtyrdy. Danııar barlyq jetistigine Ulttyq qurama sapynda jetti. Biz ony óz balamyzdaı kóremiz, múmkindikterin de bilemiz. Sondyqtan, oǵan árqashan esigimiz ashyq» deıdi Myrzaǵalı Aıtjanov.
Buǵan deıin, Eleýsinovtiń ózi ulttyq quramaǵa oralý múmkindigin 70/30 dep baǵalaǵan edi.
Danııar Eleýsinov Ulttyq quramaǵa oralǵan jaǵdaıda qaı salmaqta synǵa túsetini belgisiz. Degenmen, ózine qolaıly 69 kılo salmaqta judyryqtasýy múmkin. Danııardan bólek bul salmaqta (69 kılo) 2016 jylǵy el chempıony, jýyrda ǵana О́zbekstanda ótken Azııa chempıonatynyń kúmis júldegeri Abylaıhan Júsipov, 2016 jylǵy jastar arasyndaǵy álem chempıony Sadrıddın Ahmedov jáne Bakýde ótken IV Islam yntymaqtastyq oıyndary men byltyrǵy el chempıonatynyń qola júldegeri Ilıa Ochkın sekildi jas talantty boksshylar bar.
Aıta keteıik, jyl basynda Danııar Eleýsinov pen Ivan Dychko resmı túrde kásipqoı boksqa aýysyp, avstralııalyq MJA Entertainment's kompanııasymen kelisimshartqa otyrǵan edi. Al debıýttik jekpe-jekteri Qytaıda ótedi dep josparlanǵan bolatyn.