27 mamyrda barsha musylman qaýymy úshin qasıetti aı bastalady. Jamaǵat 29 kún boıy Allataǵalaǵa qulshylyq etip, qaıyrymdylyq amaldaryn óteıdi. «Osy kúnderi óńirde jumys isteıtin 70-ten astam meshitterde Qutpan namazynan keıin Taýaryq namazy qosa oqylady. Túrkııadan arnaıy úsh qarılar shaqyrtyldy. О́zimiz daıyndaǵan 4 qarıymyz jáne bar. Jyldaǵy dástúr boıynsha orazanyń alǵashqy kúninde oblystyq «Qyzyljar» ortalyq meshitinde 500 adamǵa dastarhan jaıylyp, aýyzashar beriledi. Budan bólek, munda tájik, túrik, aýǵan, taǵy basqa 8 dıasporanyń ókilderi de saýapty sharalar atqarady. Ol úshin Allanyń úıi janynan qosymsha eki kıiz úı tigiledi», – dedi Kenjetaı qajy. Imam tabıǵı sý tasqynynan zardap shekkenderge aqshalaı, zattaı qoldaý kórsetilgenin aıta kelip, saýaby mol qasıetti aıda qaıyrymdylyq aksııalary jalǵasatynyn, birinshi kezekte jetim-jesirler, jalǵyzilikti qarttar, kóp balaly otbasylar qamtylatynyn jetkizli. «On eki aıdyń sultany sanalatyn qasıetti ramazanda kásipkerler men dáýletti azamattar Qazaqstan musylmandary dinı basqarmasynyń qudaı astar berý, aýyzasharlar uıymdastyrý, rýhanı keshter ótkizý, dinı-ulttyq rásimderdi nasıhattaý, taǵy basqa usynystarǵa qyzý ún qosyp otyr», – dedi ýákil ımam. О́mir Esqalı. «Egemen Qazaqstan». Soltústik Qazaqstan oblysy.
Soltústik Qazaqstan ımamy Ramazan aıyndaǵy saýapty is-sharalardy aıtty
320 ret
kórsetildi
Soltústik Qazaqstan oblysynyń ýákil ımamy Kenjetaı qajy Dúısenbaı BAQ ókilderimen baspasóz máslıhatyn ótkizip, Ramazan aıynda jergilikti jerlerde atqarylatyn is-sharalardy joǵary deńgeıde júzege asyrýdyń joldaryn ortaǵa saldy.