Ońtústik Qazaqstannyń taýar óndirýshilerin qoldaý jáne olardy halyqqa keńinen tanystyrýdy maqsat tutqan sharada kúngeıde óndiriletin tamaq, farmasevtıka, mashına jasaý, hımııa, qurylys salasyna qatysty 200-den astam taýar óndirýshi qatysty. Kórme-jármeńkeniń ashylý rásimine oblys ákiminiń orynbasary Baýyrjan Jamalov qatysyp, kásipkerlerge sáttilik tiledi. Is-sharada bos oryndar jármeńkesi de qatar ótkizildi. Ońtústiktiń taýar óndirýshileri tek óz taýarlaryn usynyp qana qoımaı, shara kelýshilerimen bos oryndar týraly aqparatpen bólisip, qyzyǵýshylyq tanytqandarmen áńgimelesti. Bul aımaqtaǵy jumyssyzdar men oqýdy jańa bitirgen túlekterge óńirdegi kompanııalarmen tanysyp, ózderine turaqty jumys oryndaryn tabýǵa zor múmkindik boldy. Búgingi tańda árbir ekinshi kásiporynǵa ofıs-menedjerlerden bastap, ınjener-tehnolog, dánekerleýshi syndy túrli maman ıeleri qajet. Sondaı-aq, atalǵan shara barysynda «Qazaqstannyń úzdik taýary» atty óńirlik baıqaý ótkizilýde. Oǵan Ońtústiktiń bastaýshy jáne belgili otandyq taýar óndirýshileri qatysyp jatyr. Olardyń ishinde VızIT», «Raýan», «ShH Gaýhar», «Amangeldi», «Ladýshkı», «Azala», «Otrar grýpp» sııaqty tanymal kompanııalar bar. Sarapshy komıssııa ókilderi ekspozısııalardyń barlyǵyn qarap, baıqaý qatysýshylaryn kelesi 3 atalym - «Halyq úshin úzdik taýar», «О́ndiristik baǵyttaǵy úzdik taýar» jáne «Úzdik azyq-túliktik taýar» nomınasııalary boıynsha marapattaıdy. Konkýrsqa qatysýshylardy baqylaý kezinde aldymen taýardyń sapasy men básekege qabilettiligi eskeriletin bolady. Sonymen qatar, shara barysynda óńirlik nomınasııalar boıynsha - «Halyqtyń tańdaýy», «Jyl serpini», «Jyl brendi», «Áleýmettik mańyzdy startap» ataǵymen eń úzdik kompanııalar anyqtalady. «Qazaqstannyń úzdik taýary» kórmesiniń jeńimpazdary saltanatty túrde baǵaly syılyqtarmen marapattalady. Konkýrstyń jeńimpazdary Astanada ótkiziletin respýblıkalyq «Qazaqstannyń úzdik taýary» kórme-konkýrsyna qatysýǵa joldama alady. Eki kúnge ulasatyn kórme-jármeńkede qatysýshylarǵa semınarlar, oıyn-saýyq baǵdarlamalary men syılyqtar tabystalady.
Búgin Shymkenttegi «Kórme» ortalyǵynda «ONTUSTIK ónimderi-2017» kórme-jármeńkesi bastaldy, dep habarlaıdy Ońtústik Qazaqstan oblysy ákiminiń baspasóz qyzmeti.