Máselen, AQSh-taǵy Mıchıgan shtaty ýnıversıtetiniń Eýropa, Reseı jáne Eýrazııa zertteý ortalyǵynyń dırektory Norman Grem «Ázerbaıjan, Qazaqstan jáne Reseıdegi ekonomıkany ártaraptandyrýdyń saıası ekonomııasy» degen taqyrypta jasaǵan baıandamasynda tabıǵı resýrstardy eksporttaýdyń tıimdiligi, memleketti ekonomıkalyq jaǵynan damytýdyń negizgi faktorlary, elderdiń eńbek ónimdiligin arttyrý, kapıtal naryǵynyń ósýi sekildi máseleler jaıynda óz oıyn ortaǵa saldy. Ásirese, Ázerbaıjan men Qazaqstannyń ekonomıkany dıversıfıkasııalaý baǵytynda ustanǵan saıasatyna jan-jaqty toqtaldy.
IýNESKO isteri jónindegi Túrkııa ulttyq komıssııasynyń tóraǵasy О́jal Oǵyzdyń «Túrki tiliniń halyqaralyq qaýymdastyq ómirine enýi» taqyrybyndaǵy baıandamasynda aıtylǵan oılar da qundy kórindi. «О́zderińiz biletindeı, qazir álem jahandaný úderisterin bastan keship jatyr. Biz úshin onyń ózindik máni men áseri bar. Nege, sebebi, búginde joıylýǵa az qalǵan tilderdi saqtaý máselesi kún tártibinde ótkir tur. Al ondaı tilder joıylsa ne bolady? Onda tek halyqaralyq tilder ǵana qalady. Sondyqtan, biz osy ózekti másele týraly jan-jaqty oılanyp, aıryqsha nazarda ustaýymyz kerek», – dedi О́jal Oǵyz.
Bir atap óterligi, bul kúngi forým aıasynda Halyqaralyq Túrki akademııasynyń sońǵy jyldary jaryqqa shyǵarǵan kitaptarynyń kórmesi uıymdastyryldy.
Láıla EDILQYZY,
«Egemen Qazaqstan»