AQSh-tyń Boka Raton qalasynda qazaqstandyq boksshy Janqosh Turarov meksıkalyq Gýstavo Garıbaımen qolǵap túıistirdi.
Úshinshi raýndta otandasymyz Garıbaıdy nokdaýnǵa túsirgen bolatyn. Osy qarqynyn údete túsip, serııaly soqqylarynan keıin tóreshi raýnd aıaqtalar tusta jekpe-jekti toqtatýǵa májbúr boldy. Osylaısha 26 jastaǵy otandasymyz 21-shi jeńisine qol jetkizdi.
Aıta keteıik, qos boksshy salmaq ólsheý kezinde jartylaı orta salmaqtyń lımıti sanalatyn 147 fýntqa saı (66,6 kılo) bolmaǵandyqtan, kezdesý aralyq salmaqta, ıaǵnı birinshi orta jáne jartylaı orta salmaq dárejesi aralyǵynda (151 fýnt) ótti.
Aıta keteıik, Janqosh Turarov 21 jekpe-jeginiń 15-in ýaqytynan buryn aıaqtap otyr. Al 36 jastaǵy meksıkalyq 13 kezdesýin jeńispen aıaqtasa, osymen toǵyzynshy ret jeńilip otyr. Sondaı-aq, eki aıqasyn teń aıaqtaǵan.