Oblystyq qalalyq, máslıhat depýtattary, qoǵamdyq keńes músheleri, qala, oblys ákimdikteri, baǵbanshylar, sanıtarlyq-epıdemıologııalyq saraptama jáne monıtorıng ǵylymı-praktıkalyq ortalyǵy da barlyǵy birlesip endi shirkeılerdiń qaptaýyn boldyrmaý jaıyn talqylady.
Oblystyq energetıka jáne kommýnaldyq sharýashylyq basqarmasynyń málimetinshe shirkeılerdi qurtý úshin 600 mıllıon teńge bólinipti. Reseıden 157 400 lıtr arnaıy suıyq dári jetkizilipti. Bir lıtr 2240 teńge. Shirkeıler qaptamas úshin Sibirdiń «Baktısıd» dep atalatyn bıologııalyq dárisin «Sıbbıofarm» kompanııasy jetkizigen. Qajetti preparattar men qyzmetterdi satyp alý jónindegi konkýrs ótken jyldyń jeltoqsan aıynda bastalyp, 2017 jyldyń aqpanyn da aıaqtaldy. Qoǵamdyq keńes músheleri, depýtattar baryp bıopreparattar saqtalǵan qoımany da kórip qaıtty. Bul dárini satyp alýǵa 352, 5 mıllıon teńge jumsalypty. Biraq, Reseıden jetkizilgen dáriniń sapasy, tıimdiligi, shirkeılerdiń bas kótermeýine kepil berýge áli erte.
Qazir Ertis ózeniniń ańǵaryn masaǵa qarsy aýadan ýlaý jumystary júrgizilýde. «Baktısıd» bıologııalyq preparaty tıelgen AN-2 ushaǵy áýede. Oblys ortalyǵy úshin 14150 gektar aýmaqta preparatty sebedi
Farıda Byqaı,
«Egemen Qazaqstan»