Grem Norman, Mıchıgan shtaty ýnıversıtetiniń Eýropa, Reseı jáne Eýrazııa zertteý ortalyǵynyń dırektory (AQSh):
– Qaıta qurýdyń bir faktory – memleket pen naryqtyń arasynda dáneker bolýshy áleýmettik ınstıtýttar men normalar júıesin jasaý arqyly ekonomıkalyq qoǵamdy damytý. Qazaqstan Respýblıkasynyń prezıdenti Nursultan Nazarbaevtyń turaqty da ornyqty demokratııa qalyptastyrýda qajetti mádenı qundylyqtarǵa basa nazar aýdaryp otyrǵany qýantady. Prezıdenttiń «Bolashaqqa baǵdar: rýhanı jańǵyrý» atty baǵdarlamalyq maqalasyndaǵy «zamanǵa sáıkes jańǵyrý mindeti barlyq memleketterdiń aldynda tur» degen sózi óte durys baǵyt. О́kinishke qaraı, túrki álemi órkenıeti men mádenıetiniń álemdik órkenıetke qosqan úlesi men orny týraly jetkilikti deńgeıde kóńil bólinbeı jatatyny bar. Túrki memleketteriniń ornynda úlken órkenıet oshaǵy bolǵany ras. Sondyqtan «Uly dala» II gýmanıtarlyq ǵylymdar forýmy túrki mádenıeti ıelenetin qundylyqtardy búkil álemmen bólisýge múmkindik beredi. Eń bastysy, forým nátıjesinde mańyzdy sheshimder shyǵady. Oqylǵan ǵylymı tujyrymdar osy jerde qalyp qoımaı, búkil álemge taralyp, adamdardyń bárine qoljetimdi bolady. Sonymen qatar, forýmnyń mańyzdy tusy – túrki jáne túrki tildes memleketter arasyndaǵy ózara yntymaqtastyq. Sebebi, mundaı memleketterdiń ózara uqsas problemalary bolady. Forýmnyń arqasynda sondaı problemalardy birlese talqylap, ortaq sheshim qabyldaýǵa múmkindik týyp otyr.
Aıa О́MIRTAI,
«Egemen Qazaqstan»