Qasıetti Ramazan aıy bıyl 27 mamyrda bastalyp, 25 maýsymda aıaqtalady, odan keıin Oraza aıt meıramy bastalady. Qazirgi tańda Astananyń 49 qonaq úıinde aýyz ashýǵa (ıftar) jaǵdaı jasalynǵan, 19 qonaq úıde namazǵa arnalǵan bólmeler bar. Bul týraly qalalyq ákimdiktiń baspasóz qyzmeti habarlady.
Islam týrızmi naryǵy álemdegi bolashaǵy zor salanyń biri bolyp tabylady. 2020 jylǵa deıin sarapshylardyń boljamy boıynsha, xalal týrızm naryǵyndaǵy týrıster sany 150 mln.ǵa deıin, al aldaǵy 5 jylda 200 mln. týrıstke deıin jetýi múmkin. Bul týraly Dýbaıdaǵy sońǵy Arabian Travel Market kórmesindegi Amadeus kompanııasynyń esebinde baıandaldy. Esterińizge sala ketsek, Astana Konvenshn Bıýro Qazaqstan Musylmandary Dinı basqarmasymen birge musylman-týrısterge arnalǵan "Halal friendly" jobasy iske qosylǵan bolatyn. Bul baǵdarlama qalaǵa keletin saıaxatshy musylmandarǵa arnalǵan qolaıly jaǵdaı qalyptastyrýǵa baǵyttalǵan.
Qonaq úıler tizimimen tómendegi keste arqyly tanysýǵa bolady.