Qaraǵandyda balalar-jasóspirimder klýbtarynyń oqýshylary Dolınka kentindegi «Saıası qýǵyn-súrgin qurbandaryn eske alý» murajaıyna ekskýrsııaǵa bardy, dep habarlaıdy qalalyq ákimdiktiń baspasóz qyzmeti.
Mýzeıdiń ekskýrsııa júrgizýshileri tarıh pen QarLAG tutqyndary týraly áńgimelep, ekspozısııalyq zaldar saıası qýǵyn-súrginniń túrli kezeńderiniń tarıhyn ashty.
Patrıottyq sezimderdi jáne halyqtyń tarıhı ótkenge qurmetti tárbıeleý maqsatynda uıymdastyrylǵan sharaǵa júzge jýyq oqýshy qatysty.
Qazaqstanda saıası qýǵyn-súrgin qurbandaryn eske alý kúni búkil el kóleminde sovet bıligi kezinde jazyqsyz atý jazasyna kesilip opat bolǵan, túrme azabyn tartqan, qýdalaýǵa ushyraǵandardy eske túsirýge arnalǵan sharalar ótkizildi. Resmı derekter boıynsha, saıası qýǵyn-súrgin jyldary tórt mıllıonǵa jýyq qazaqstandyq zardap shekken.