«Ǵalymjannyń bul saparynyń maqsaty – elimizde ótkizilgeli jatqan halyqaralyq EKSPO kórmesin jurtshylyqqa nasıhattaý. Áýeli О́skemennen Semeıge jetip, odan ári Kereký qalasyna aıaldaǵan soń, Ereımentaý arqyly Astanaǵa taban tireıdi», – degen ol bir kólikpen jubaıynyń artynan kele jatqandyqtaryn, ózderimen bir dárigerdi ala shyqqandyqtaryn aıtty. Bul saparǵa eshqandaı arnaıy mekemelerdiń qatysynsyz, óz erikterimen, týǵan-týys, joldas-joralarynyń kómegimen attanyp bara jatqandyqtaryn, «búgin mynda qonamyz», «erteń anda qonamyz» dep aldyn ala jospar qurmaǵandaryn da jetkizdi. 27 mamyr kúni habarlasqanymyzda, Erkegúl Ǵalymjannyń 26 mamyr kúni 70 shaqyrymdy júrip ótip, Glýbokoe aýdanyndaǵy Gagarıno aýylyna qonyp, jolǵa shyqqanyn, bul kúni Bulaq aýylyna túnep, Semeıge 29 mamyr kúni jetýdi josparlap otyrǵanyn tilge tıek etti. «Túnde jol ústinde túnesek dep ózimizben birge shatyr ala shyqqanbyz. Biraq turǵyndar bizdiń kele jatqanymyzdy aldyn ala bilip, telefon shalyp, «bizdiń úıge qonyńdar» dep qonaqjaılylyq tanytyp jatyr. Mundaı keńpeıil azamattarǵa alǵystan basqa aıtarymyz joq», – deıdi ol. Erkegúl Muqııatqyzy Ǵalymjannyń kúndelikti júgirý, tynyǵý tártibin de aıtyp berdi. Onyń aıtýynsha, jubaıy tańerteń saǵat 6-da turyp, 6:30-ǵa deıin tańǵy asyn iship, saǵat 7-den júgirýdi bastap, bir saǵat júgirip, 10 mınýt tynyǵyp alady eken. Bir kúngi júgirý mejesi – 8 saǵat, júgirý uzaqtyǵy – 60-70 shaqyrym. Qazir Astanaǵa jaıaý jol tartyp bara jatqan jigitti jolaı kútip alyp, as-sý usynyp, qudaıy qonaq etýge nıetti azamattardyń 87789262622 telefonyna habarlasýlaryna bolady.
Azamat QASYM,
«Egemen Qazaqstan»
Shyǵys Qazaqstan oblysy