Qazaqstan týraly tusaýkeser-semınar

Memleketimiz Táýelsizdiginiń 20 jyldyǵyna oraı jaqynda Qa­zaqstannyń Oslodaǵy Dıp­lo­ma­tııalyq mıssııasy Norvegııanyń Saýda-ónerkásiptik palatasynyń qoldaýymen Qazaqstan jaıly tu­saýkeser-semınar ótkizdi. Atal­ǵan is-sharada norvegııalyq qaýym ókilderi elimiz táýel­sizdiginiń 20 jylynda qol jet­kizgen ekono­mıkalyq jetistikterimen tanys­tyrdy, sondaı-aq yn­ty­maq­tas­tyqtyń qazirgi tań­daǵy ınves­tı­sııalyq jáne saý­da múm­kin­shilikterinen habardar etildi. Osloda semınar eki eldiń eki jaqty qatynastar tarıhynda al­ǵash ret júzege asqan qazaq­stan­dyq is-shara bolyp ta­byldy. Atal­mysh semınarǵa óner­kásip, qarjy qyzmeti, aq­parattyq tehnologııalar men ınfraqury­lym­dyq salalarda ju­mys isteıtin Skandınavııa el­deri isker top­tarynyń ókil­deri qatysty. Júzege asqan semınar «Kazneks-Invest» eksportty tartý jáne ilgeriletý boıynsha ult­tyq agenttigi men «Grata» qazaq­stan­dyq eń iri zań fırmasynyń belsendi kómegimen uıymdas­ty­ryl­dy, dep habarlady Qa­zaqstan Res­pýblıkasy Syrtqy ister mı­nıstr­liginiń baspasóz qyzmeti.