Osy bir eńseńdi tik ustatatyn Táýelsizdik qarlyǵashy – Memlekettik rámizder kúnine oraı, «Nur Otan» partııasy janyndaǵy «Jas Otan» jastar qanaty «Baldáýren» respýblıkalyq oqý-saýyqtyrý ortalyǵymen birlesip, Elbasy Nursultan Nazarbaevtyń «Bolashaqqa baǵdar: rýhanı jańǵyrý» atty maqalasyndaǵy «Jańa turpatty jańǵyrýdyń eń basty sharty – ulttyq kodyńdy saqtaı bilý» degen sózin negizge alǵan, «Kók týdyń jelbiregeni» atty jańa joba elimizdiń barlyq qalalarynda úsh aıdan beri jalǵasyn taýyp keledi.
О́skeleń urpaqty otanshyldyqqa tárbıeleý, jastardyń boıynda patrıottyq sezimdi nyǵaıtý maqsatyn kózdegen osyndaı shara taıaýda Oral qalasynda bolǵan edi. Atalǵan keshke «Daryn» Memlekettik jastar syılyǵynyń ıegeri, patrıottyq ánderdi naqyshyna keltirip oryndap júrgen Ibragım Eskendir qatysyp, ánnen shashý shashty. Ásirese, onyń oryndaýyndaǵy Ermurat Zeıiphannyń «Kók týdyń jelbiregeni» (sózi Almas Ahmetbektiki) atty rýhty án jurtty sergitkeni de, serpiltkeni de aqıqat. Sol sekildi joba aıasynda arnaıy mektep-ınternatynyń ónerpaz jastary, oblystyq otbasy úlgisindegi balalar aýylynyń tárbıelenýshileri de óz ónerlerin kórsetti.
Kesh barysynda tanymal azamat – Qabdol Tilekov, «Bıgalıevter» otbasylyq ansambliniń múshesi Marına Bıgalıeva, sambodan birneshe dúrkin Qazaqstan chempıony Serikbaı Nyǵmet, «Estet» bı stýdııasynyń jetekshisi Sáýle Tilekqalıeva, jas aqyn, M.О́temisov atyndaǵy BQMÝ-dyń bıylǵy jylǵy túlegi Dáýren Shamuratov «Jas Otan» jastar qanatynyń qataryna qabyldanyp, jańa múshelerge arnaıy tósbelgiler tabystaldy. Sonymen qatar, konsert barysynda mektep oqýshylary men «Baldáýren» ROSO bazasynda qurylǵan qazaqstandyq jas patrıottar akademııasynyń músheleri Elbasyna arnaǵan tilekterin «Tilek kitapshasyna» jazdy. Jastar kitapty estafetalyq jolmen aımaqtan aımaqqa jetkize otyryp, Astana qalasynda Memleket basshysyna tabystamaq.
Súleımen MÁMET, «Egemen Qazaqstan»