«Jastar saıasaty da jastardyń jat aǵymnyń jeteginde ketpeýi úshin túrli sharalar atqaryp jatyr. Biz jastardyń áleýmettenýine kóp kóńil bólýdemiz. Sebebi, qoǵamnyń arasynda júrgen jastar ol ortada ne bolyp jatqanyn bilip júredi, bir-birimen aqparat almasady, kózi ashyq, kókiregi oıaý bolyp qalyptasady. Ony júzege asyratyn bizde 538 jastar uıymy bar. Olar Qazaqstannyń barlyq óńirinde ornalasqan. Jastardyń áleýmettenýi ne úshin kerek? Eń birinshi ol adamdy adasýdan saqtaıdy. Adam qashan adasady. Ol ońasha, jalǵyz qalǵanda túrli oıdyń sońynda ketedi. Sondyqtan jastardyń meıilinshe qoǵammen baılanysýyna qoldaý kórsetý kerek», dedi ol.
Jıyn barysynda Mınıstrlik ókilderi Dinderdi zertteý assosasııasy degen qoǵamdyq birlestikpen birge tyǵyz baılanys ornatyp, júıeli jumys júrgizip jatqandaryn tilge tıek etti. Sonymen qatar, olar dinı aqparattyq jumystardy iske asyrýda aqparattyq-aǵartýshylyq «Kazislam.kz» saıtynyń orny aıryqsha ekenin alǵa tartty. Atalǵan portalda turǵyndardyń dinı saýattylyǵyn arttyrý, dástúrli rýhanı qundylyqtardy nasıhattaý, azamattardyń boıynda dinı radıkalızm, ekstremızm men terrorızm ıdeıalaryna qarsy ımmýnıtet qalyptastyrý taqyryptaryn qamtıtyn aqparattyq materıaldar turaqty túrde jarııalanyp otyratynyn jetkizdi.
Raýan QAIDAR, «Egemen Qazaqstan»