Qazaqstan Respýblıkasy Úkimetiniń qaýlysymen Ahmed Mestoev Iаkýbovıch óz erkimen Qazaqstan Respýblıkasynyń Reseı Federasııasyndaǵy saýda ókili qyzmetinen bosatyldy, dep habarlaıdy primeminister.kz.
Mestoev Ahmed Iаkýbovıch 1949 jyly 15 maýsymda dúnıege kelgen.
1969 - 1996 jyldary Qazaq tutynýshylar odaǵy júıesinde qatardaǵy maman qyzmetinen bastap basqarmasy tóraǵasynyń orynbasary laýazymy aralyǵyndaǵy qyzmetterdi atqardy.
1996 - 2002 jyldary - Qazaqstan Respýblıkasynyń Shveısarııalyq Konfederasııadaǵy (Jeneva) saýda ókili boldy.
2002 - 2010 jyldary - Reseı Federasııasyndaǵy Qazaqstan Respýblıkasynyń Saýda ókili (Máskeý).
2010 jyldyń qarashasynan - Qazaqstan Respýblıkasy Prezıdentiniń Is basqarýshysynyń orynbasary - Qazaqstan Respýblıkasy Prezıdentiniń Is basqarmasynyń Almatydaǵy ókildiginiń jetekshisi.
2012 jyldyń qazan aıynan bastap - Reseı Federasııasyndaǵy Qazaqstan Respýblıkasynyń Saýda ókili (Máskeý).