Sherýdiń ashylý saltanatynda sóz alǵan Ońtústik Qazaqstan oblysynyń ákimi Janseıit Túımebaev balalardy merekemen quttyqtap, bolashaq urpaqqa beriletin bilim men tárbıeniń mańyzdylyǵyna toqtaldy.
«Ońtústikte sońǵy jyldary bala sanynyń arta túsýi bizdi aıyryqsha qýantyp otyr. 2016 jyl 80 myńǵa jýyq náresteniń dúnıege kelip, aımaǵymyz demografııalyq kórsetkishtermen kósh bastady. О́ńirde mektep jasyndaǵy balalar sany 611 myńnan asa oqýshyny qurap, respýblıkalyq kórsetkishtiń 21 paıyzyna jetti. Sonymen birge jyl saıyn mektepterdegi oqýshylar sany shamamen 30 myńǵa artýda. Osyǵan oraı, aldaǵy 5 jylda 205 jańa mekteptiń qurylysyn júrgizýdi josparlap otyrmyz», - dedi Janseıit Qanseıituly.
Búgingi tańda oblysta ónerli jastardyń shabytyn shyńdaıtyn 26 arnaıy mektep qyzmet jasaıdy. Olarda 15 myńǵa jýyq oqýshy bilim alýda. Dál mundaı mýzyka mektebi ózge eshbir memlekette joq. Atalǵan oqý oryndarynyń jetistigi de kóńil qýantady. О́ńirdiń ónerli órenderi 6 márte respýblıkalaq saıystarda bas júlde jeńip alsa, 9 márte halyqaralyq jarystardyń jeńimpazy atanǵan. Atap aıtsaq, Otyrar aýdany saz mektebiniń oqýshysy Baǵdáýlet Nurlanuly Túrkııadaǵy EKSPO-2016 halyqaralyq «Balalar jáne gúlder» baıqaýynyń 1-oryn ıegeri, - Báıdibek aýdany saz mektebiniń oqýshysy Syzdyq Asan Túrkııadaǵy halyqaralyq «Bala álemi» baıqaýynyń gran-prı ıegeri, Shymkent qalasy №1 saz mektebiniń oqýshysy Mýrın Nıkolaı Fraýchı atyndaǵy 13-shi Halyqaralyq konkýrstyń 1-shi oryn ıegeri atandy.
«Shabyt sherýi» is-sharasy Elbasy Nursultan Nazarbaevtyń «Máńgilik el» jalpyulttyq ıdeıasyn iske asyrý maqsatynda qolǵa alynyp otyr. Bul kúni oblystyq ákimshilik iskerlik ortalyǵynyń alańynda barabanshylar otrıady, úrmeli aspaptar orkestri men ansamblder, majoretkalar, cherlıderler, hor jáne bı ujymdary júrip ótti.
Bul shara alǵash ret ótkizilip otyrǵandyqtan, respýblıkanyń mádenı ómirinde biregeı oqıǵa bolyp esepteledi. Qyzyqty repertýar, mýzykalyq ınstrýmentterdiń ártúrliligi, shyǵarmalardyń túpnusqalyǵy, birneshe túrdegi mýzykalyq qyzmettiń birigiýi mýzykalyq-teatrlandyrylǵan sherý merekelik qalyp týdyryp, áserli tynys berdi.
Sharaǵa oblys ortalyǵyndaǵy barlyq mektep oqýshylary qatysty. Ár bilim oshaǵynyń balalary júrip ótken kezde sol mekteptiń jetistikteri aıtyldy. Bul jas býynnyń boıynda maqtanysh sezimin týdyryp, olardyń otansúıgishtik rýhyn oıatary sózsiz.