Mádenıet jáne sport mınıstri Arystanbek Muhamedıulynyń shaqyrýymen áleýmettik jaǵynan az qamtylǵan otbasy balalary «Kinopark 7 IMAX 3D» kınoteatrynda «Qaýyrsyndy úshtik» anımasııalyq fılmin tegin tamashalady. Halyqaralyq balalardy qorǵaý kúnine oraı uıymdastyrylǵan sharaǵa 50-ge tarta jetkinshek qatysty.
Balalar kınoda Rıchard torǵaı, Olga úki men Kıkı totyqusy týraly mýltfılmin kórip qana qoımaı, táttilerden turatyn tosyn syıǵa ıe boldy. Kórsetilimnen jaqsy áser alyp shyqqan balǵyn kórermender qaıyrymdylyq, dostyq pen tatýlyq týraly fılmderdi tamashalaýdy jaqsy kóretindikterin aıtty. Fılmnen keıin balalar Ulttyq mýzeıde bolyp, týǵan el tarıhy men mádenıetine ekskýrsııa jasady. Sonymen qatar, Mádenıet jáne sport mınıstrligi, rejısser Talǵat Temenovtiń «Bıbol» atty kórkem fılminiń tusaýkeserin ótkizdi. Fılm jelisi Bıbol esimdi erekshe bala men mýzykant Qasymhan qarııa týraly áserli oqıǵamen órnektelgen.
«Egemen-aqparat»