7-maýsymnan bastap 12-qyrkúıek aralyǵyna deıin tańerteńgi saǵat 6:00-dan túngi 23:00-ge deıin 3,5 tonnadan astam salmaqtaǵy júk kólikteriniń qatynasyna tyıym salynady. B.Igenberdınovtyń aıtýy boıynsha, joba Elordaǵy jol-kólik jelisin jeńildetý maqsatynda qolǵa alynyp otyr.
«Biz elordalyq kásipkerlerge iri montajdaǵy mashınalarǵa júk tıeý jumystary logıstıkalyq prınsıp boıynsha: kúndiz ýchaskede júk tıeledi, al ony túsirip, shyǵarý túnde júrgiziletinin aıtyp túsindirdik. Olar bul jańashyldyqqa túsinistikpen qarady, - deıdi B.Igenberdınov.
Sonymen qatar, ónerkásiptik aýmaqta júk kólikteriniń qatynaýyna tyıym salynbaıdy. Al tranzıttik kólik mashınalaryna shekteý joq, olar úshin aınalma tas joly boıymen qatynaý qarastyrylǵan.
Sondaı-aq, apatty, qutqarý, tazalaý qyzmetiniń kólikteri men beton jáne asfalt tóseıtin tehnologııalyq sıkldi qamtamasyz etetin mashınalarǵa da qozǵalys shektelmeıdi.