Basqosýda barlyq talaptarǵa saı keletin balalarǵa arnalǵan oqýshylar saraıy boı kóteretini belgili boldy.
«Oqýshylar mektep qabyrǵasynan bastap sapaly bilim, sanaly tárbıe alýmen birge túrli tanymdyq-paıdaly, kásiptik baǵdar berý isterimen, nanotehnologııa, bıotehnologııa, medısınalyq tehnologııa, robotehnıka, taǵy basqa zamanaýı ozyq úlgilermen shyndap aınalysa alady. Olardyń ynta-jigerlerine qoldaý jasaý–bizdiń mindetimiz», dedi Qumar Irgebaıuly.
Aımaq basshysy eski saıabaq jańǵyrtylyp, jańalatynyn da jetkizdi. Jastardy jobalaý jumystaryna belsendilikpen qatysýǵa shaqyrdy.
«Munda sporttyq jattyǵý qurylǵylary, oıyn-saýyq oryndary, demalys aımaǵy qarastyrylatyn bolady», dedi Q. Aqsaqalov.
Sonymen qatar óz isin jańadan bastaǵan jas kásipkerlerge jaǵdaı jasaý, kásiptik-tehnıkalyq bilim berý mekemeleriniń stýdentterine qamqorlyqty kúsheıtý, ozyq bastamalara qoldaý kórsetý, «erpin» baǵdarlamasy boıynsha oqyp jatqan túlekterdiń áleýmettik jaǵdaıyna kóńil bólý máselelerine de toqtaldy.
О́mir Esqalı.
«Egemen Qazaqstan»
Soltústik Qazaqstan oblysy.