Búginde 30 adam jumys isteıtin zaýyt ónimi Astana, Almaty, Shymkent, Taldyqorǵan, Taraz qalalaryndaǵy iri kásiporyndar satyp alady. Maqtaaraldyq ónimge О́zbekstan, Tájikstan, Qyrǵyzstan, Túrkimenstan jáne Reseı memleketteri qyzyǵýshylyq tanytyp otyr eken.
«Qozapaıanyń tonnasyn 12 000 teńgege satyp alamyz, bul maqtaaraldyq sharýalarǵa da óz paıdasyn tıgizýde. 1 tonna qozapaıadan 1 kýb jıhazdyq taqta shyǵady. 1 kýb degenimiz – 24 dana taqta» - deıdi zaýyttyń bas ınjeneri Baqytbek Úsenuly.
Zaýyttyń óziniń birneshe traktorlary men qozapaıany jınaıtyn tehnıkalary da bar. Bul shıkizatty ózderi de óndire beredi degen sóz. Sondyqtan, shıkizat máselesi tolyqtaı sheshilgen. Zaýyttyń jumysshysy Qurmanǵazy Tańbergenovtyń aıtýynsha, jumysshylardyń jalaqysy 70 myń teńgeden kem emes.
«Kúndelikti jumysymyz júıeli. Kúnine 8 saǵat eńbek etemiz. Zaýyttaǵy jumystyń esh qıyndyǵy joq» ,- deıdi Qurmanǵazy Táńirbergenov.
Aıta keteıik, jaqynda ǵana Shymkent qalasyndaǵy «Tassaı» ındýstrııalyq aımaǵynda Qazaqstandaǵy erekshe jobalardyń biri iske qosyldy. Ońtústik Koreıanyń tehnologııasymen jabdyqtalǵan «Mega Smart» zaýytynyń negizgi shıkizaty – qozapaıa. Maqtaaraldyq «Sapa Invest Plıýs» qazirgi tańda osy zaýytpen tyǵyz baılanysta jumys jasap jatyr. «Mega Smart» zaýytynyń bas dırektory Sergeı Hegaıdyń aıtýy boıynsha, qozapaıa ekologııalyq taza ónim bolǵandyqtan, TMD elderinde joǵary baǵalanady.
Osylaısha Maqtaraldaǵy zaýyttan jetkizilgen taqtalar túrli tústermen lamınattalyp, jıhaz zaýytyna ótedi. Ońtústik Koreıa jáne Italııanyń qondyrǵylarymen jumys jasaıtyn zaýyttyń buıymdarynyń sapasy jaqsy, ásemdigi kóz jaýyn alady.