2016 jyly qanatqaqty joba retinde júzege asyryla bastaǵan «Damý Optıma» baǵdarlamasyna engizilgen ózgerister qatarynda – kásipkerlerge qoıylatyn talaptardy qaıta qaraý, kepildeme berý talaptary, kepildendirýdiń jańa túrlerin engizý men qazirgi qoldanystaǵy túrin damytý da bar. Atap aıtqanda ınvestısııalyq maqsattaǵy nesıeniń esebinen alynǵan kez-kelgen jyljıtyn/jyljymaıtyn múlikti budan bylaı bankke kepildik retinde usynýǵa bolady. Baǵdarlamanyń buǵan deıingi talaby boıynsha mundaı jaǵdaıda úshinshi jaqtyń kepildigi kerek bolyp, kásipkerdiń barlyq kepilzattarynyń 70 paıyzy turaqty jáne ótimdi bolýy mindetteletin edi
Engizilgen taǵy bir ózgeris – «Damý»-Optıma» baǵdarlamasyna isin jańa bastaǵan kásipkerlerdiń de qoly jetetin bolǵandyǵy. Endi olar bank aldynaǵy kepilzaty jetkiliksiz bolǵan jaǵdaıda Qordan nesıe somasynyń 85 paıyzyna deıin kepildeme ala-alady. Isin jańa bastaǵan kásipkerlerge 30 mln teńgege deıin nesıe beriledi.
Bıznesi júrip turǵan kásipkerler úshin nepildeme somasy burynǵydaı, ıaǵnı nesıe somasynyń 50 paıyzy bolyp qaldy. Bıznesi bar kásipkerler úshin beriletin nesıe somasy – ınvestısııalyq maqsatqa 180 mln teńgege deıin, aınalym qarajatyn tolyqtyrýǵa 60 mln teńgege deıin. Bıznesi bar kásipkerler joba qunynyń 20 paıyzyn ózderi shyǵarýy kerek.
Baǵdarlamaǵa engizilgen ózgerister boıynsha, kásipkerler «Damý»-optıma» baǵdarlamasynyń kepildemesimen ekinshi deńgeıli bankterdegi nesıesin qaıta qarjylandyra alady. Baǵdarlamanyń alǵashqy nusqasy boıynsha kepildik tek ınvestısııa men aınalym qarajatyna arnalǵan jańa nesıelerge ǵana qarastyrylǵan edi.
Qor «Damý-Optımanyń» kepildigin banktiń nesıe berý jaıly sheshimi shyqqanǵa deıin alýǵa bolatyndaı etip ózgeris engizýdi de josparlap otyr. Kásipker qolyna «Damý-Optımanyń» kepildigin alyp, nesıe alý úshin birneshe bankke qatar ótinim berip, jobasyn qarjylandyratyn eń yńǵaıly nusqasyn tańdap alýǵa múmkindik alady.
«Damý Optıma» baǵdarlamasyna 2017 jylǵy beriletin jalpy qarjy 3 mlrd teńgeni quraıdy.
«Bank Sentr Kredıt» AQ, «Bank RBK» AQ, «Evrazııskıı bank» AQ, «Eksımbank Qazaqstan» AQ, «Astana banki» AQ, «Tengri Bank» AQ, «Sberbank» AQ EB, «Forte Bank» AQ, «Alfa-Bank» AQ EB, «Bank Kassa Nova» AQ, «Qazkommersbank» AQ, Bank VTB (Qazaqstan) AQ EB, "Sesnabank" AQ arqyly alýǵa bolady.
2016 jyly engizilgen «Damý Optıma» baǵdarlamasynyń nátıjeleri
2016 jyly baǵdarlama boıynsha kepldeme qorynyń jalpy quny 320 mln teńge jáne nesıe qorjyny 1 mlrd teńgelik 63 kepildik maquldandy. Atalǵan baǵdarlama boıynsha kepildik alǵan jobalardyń jalpy sanynyń 82 paıyzy - kóterme jáne bólshek saýda, avtokólik jáne motosıkl jóndeý salasy, 7 paıyzy – qonaq úı men tamaqtandyrý qyzmeti, 5 paıyzy – óńdeý ónerkásibi salasyn qamtıdy. Eń kóp kepildik «Bank Sentr Kredıt» AQ, «ForteBank» AQ, «Sberbank» AQ EB arqyly berildi.
«Damý» Qorynyń kepildigi boıynsha barlyq prosester avtomattandyrylǵan. Bul Qor kepildemesin alý barysynda ýaqytyn kásiipkerdiń ýaqytyn únemdeýge múmkindik beredi.