Qazaqstan arqyly álemdik júk tasymalynyń 8%-yn ótkizýge bolady. Oǵan artyǵyna jol men konteınerlerdiń shamasy jetpeıdi, dedi "Atameken" Ulttyq kásipkerler palatasynyń ókili Erhat Ysqalıev.
"Qazirgi tańda júk tasymaly úshin úlken talas bolyp jatyr. Bul turǵyda kim jaıly jaǵdaı jasap beredi, sol utady", dedi Ysqalıev.
Sonymen qatar qazir teńiz, avto jáne temirjol arasynda da básekelestik kúshti. Búginde tutynýshy bárin bir paketpen alǵysy keledi.
Qazirgi tańda Qazaqstan arqyly álemdik júk tasymalynyń tek 2%-y ǵana ótedi eken.
Sarapshynyń pikirinshe, bul kórsetkishti maksımaldy 8%-ǵa deıin arttyrýǵa múmkindik bar.
UKP ókiliniń málimetinshe, eksporttyq taýarlar ishindegi tasymal shyǵyny taýardyń ózindik qunynyń 50%-yn quraıdy.