Qytaı tóraǵasynyń kitaby qazaq tilinde basyldy

Qytaı basshysynyń atalmysh kitaby 2014 jyly jaryqqa shyqqan. Sodan beri álemniń 20 shaqty tiline aýdarylyp, 6 mıllıonnan asa danamen jaryq kór­gen tańdaýly eńbekterdiń qa­taryna endi. Qazaq tilindegi nus­qasy elordadaǵy «Folıant» bas­pasynan jaryq kórdi. Kitaptyń tanystyrylymy Qazaqstan Res­pýblıkasynyń Tuń­ǵ­ysh Pre­z­ı­denti – Elbasy ki­tap­ha­na­syn­da ót­ti. Resmı sharaǵa Qa­zaq­stan men Qytaı tarapynan laýazymdy qonaqtar qatysty.

Kitaptyń tusaýkeser rásimi QHR Tóraǵasy Sı Szınpınniń  Astanaǵa resmı sa­paryna oraı uı­ym­das­tyryldy. Sha­rada QHR-dyń Qazaqstandaǵy Tótenshe jáne ókiletti elshisi Chjan Hanhoı eki taraptyń da 25 jyl ishinde jaqsy je­tis­tik­ter­ge qol jetkizgenin baıandady.

Al, Qazaqstan Prezıdenti Keńsesi jetekshisiniń orynbasary Baqytjan Temirbolat «El basqarý jóninde» atty ki­taptyń mazmunymen tanys­tyr­dy. Onyń aıtýynsha, Qytaı Halyq Respýblıkasynyń Tóra­ǵa­sy Sı Szınpınniń «El bas­qa­rý jóninde» dep atalatyn kitaby 18 taraýdan turady. Onda Qytaı úlgisindegi sosıalız­mge tabandy bolý jáne ony da­mytý, Juńhýa ultynyń uly gúl­­d­enýi syndy qytaı armanyn jú­zege asyrý, reformalar­dy jan-jaqty jetildirý, Qy­taıdy zań­men basqarý arqyly ór­kend­etý, ekologııalyq órke­nı­et­ti kór­keıtý, t.b ıdeıalar bas­shy­lyq­­qa alynǵan.

− Kitaptyń qazaq tiline aýdarylýy Memleket basshysynyń úzdik zamanaýı ádebıetterdi qazaq tiline tárjimalaý týraly tapsyrmasyna sáıkesip tur. Sondaı-aq, elimizde júrgizilip jatqan Úshinshi jańǵyrtý aıasynda kitap úlken suranysqa ıe bolady dep esepteımin, – dedi sharada sóz alǵan Tuńǵysh Prezıdent – Elbasy qory janyndaǵy Álem­dik ekonomıka jáne saıasat ınstıtýtynyń dırektory Erjan Saltybaev. Ol sondaı-aq, osy eńbekte Sı Szınpınniń saıası fılosofııasy, Qytaı Ha­lyq Respýblıkasynyń ishki já­ne syrtqy saıasaty damýy­nyń ne­giz­gi strategııalyq ba­ǵyt­­tary anyq­ta­lyp jazylǵanyn atap ótti.

QHR Memlekettik keńesi Bas­pasóz keńsesiniń jahandyq kom­mýnıkasııa bıýrosy dırek­to­rynyń orynbasary Týo Jen kitapty ózi qyzmet etetin me­kemeniń qurastyrǵanyn, al, QHR azshylyq ulttar baspa úıi qazaq tiline aýdarǵanyn aıta kele, kitapqa Qytaı basshysynyń 70-ten astam negizgi maqalalary, baıandamalary, leksııalary, túrli sharalarda sóılegen sózderi men 40-tan astam fotosýret toptastyrylǵanyn jetkizdi.

Aıgúl SEIILOVA, «Egemen Qazaqstan»               

Sýretti túsirgen

Erlan OMAROV, ​​​​​​​«Egemen Qazaqstan»