EKSPO-2017 halyqaralyq kórmesi qarsańynda Qazaqstan astanasynan shyǵatyn halyqaralyq reısterdi ashý jalǵasýda.
Qytaıdyń Air China áýe kompanııasy Astana-Beıjiń (Qytaı) halyqaralyq jańa áýe reısi boıynsha ushýdy bastady. Áýe reıster Eırbas-320 tıpindegi áýe kemesimen aptasyna 3 ret, seısenbi, beısenbi jáne jeksenbi kúnderi oryndalady.
Atalmysh reısti ashýda Investısııalar jáne damý mınıstrliginiń Azamattyq avıasııa komıteti men Qytaı Halyq Respýblıkasynyń avıasııa bıligi birlesken jumystar atqardy.
Eske sala keteıik, osy aptada Astana áýejaıy Varshavamen (Polsha), Erevanmen (Armenııa) jáne Kıevpen (Ýkraına) tikeleı áýe qatynasyn ornatqan bolatyn.
«Egemen-aqparat»