Aýdan turǵyndaryna mundaı múmkindikti usynyp otyrǵan – osy óńir aýmaǵynda altyn óndirýmen shuǵyldanyp jatqan «Baqyrshyq taý ken óndirý kásiporny». Jaqynda kásiporyn basshysy Iý.Ovchınnıkov aýdan ákimi Nurlan Sydyqovqa «Ekspo» kórmesine demeýshilik maqsatta bólingen, 2 mıllıon teńgeden astam qarjyǵa satyp alynǵan, árqaısysy 6 myń teńge turatyn 390 bıletti saltanatty túrde tabys etti. «Kásiporyn ujymyna alǵys aıtamyz. Bul bıletter eń aldymen, aýdandaǵy soǵys jáne tyl ardagerlerine, turmysy tómen otbasylardyń balalaryna jáne daryndy oqýshylarǵa beriletin bolady», degen aýdan ákimi kórmege baratyndardyń joly men júris-turysyna qosymsha 14 myń teńgeden bólinetinin jetkizdi.
Reti kelgende aıta keteıik, aýdan turǵyndary osy ýaqytqa deıin EKSPO kórmesiniń 1750 bıletin satyp alypty.
Azamat QASYM, «Egemen Qazaqstan»
Shyǵys Qazaqstan oblysy, Jarma aýdany