Qazaqstandyq boksshy Gennadıı Golovkın (37-0, 33 KO) men meksıkalyq Saýl «Kanelo» Alvares (49-1-1, 34 KO) arasyndaǵy jekpe-jektiń ótetin orny belgili boldy.
«Resmı túrde, «Kanelo» - Golovkın aıqasy 16 qyrkúıek kúni Las-Vegastaǵy T-Mobile Arena kesheninde ótetinin habarlaımyn. Jankúıerler úshin qyzyq shoý bolady!» dep jazdy qazaqstandyq boksshynyń promoýteri Tom Leffler týıtter paraqshasynda.
T-Mobile Arena kesheniniń syıymdylyǵy – 20 myń adam. Golovkın osy arenada ári Las-Vegasta alǵashqy jekpe-jegin ótkizbek. Al meksıkalyq boksshy 2015 jyly mamyrda Amır Hanmen, sondaı-aq otandasy kishi Hýlıo Sezar Chavespen aıqasty. Bul qalada ol barlyǵy 10 jekpe-jegin ótkizgen.