«Balapan» bala bolsa da, danalyǵyn kórsetti

«Balapan» degen atpen osydan 1 jyl buryn ǵana tusaýyn kesken arna óz týǵan kúnin «Qazaqstan» ulttyq telearnasymen birlese otyryp, qaıyrymdylyq aksııasymen atap ótti. «Bala» bolsa da – danalyǵyn kórsetken telearnanyń osynaý saýapty tirligi halyqty izgilikke shaqyrǵan ǵanıbetti oqıǵa ekeni daýsyz. Iаǵnı, «Balapan» telearnasy 27 qyrkúıekte saǵat 13.00-14.00 jáne 17.20-17.45 aralyǵynda «Qa­zaqstan» ulttyq telearna­sy­nyń tikeleı efırinde aýyr naý­qasqa shaldyqqan úsh balanyń saýy­ǵyp ketýi úshin tikeleı efır­den kómek-aksııasyn uıymdastyrdy. Bul búldirshinder – as­ta­na­lyq Ramazan Esmaǵambetov, aqtó­belik Dıana Maqsat jáne tal­ǵar­lyq Gúlnáz Omarbekova bolatyn. Aıta ketetin jaıt, qaıyrym­dy­lyq aksııasyna ulttyq arna efı­rindegi «Jan jylýy» baǵdar­la­ma­synyń keıipkerleri negiz boldy. Ramazan aıaqtalma­ǵan osteogenez dertine shaldyq­qan. Túsinikti tilmen aıtqanda, súıegi qatpaǵan­dyqtan, osy kúnge deıin súıek­teri elý jerden synǵan. Sońǵy eki jylda Máskeý qalasynda em alýda. Jylyna eki ret em-dom alýy tıis. Al Dıana serebraldi sal aý­rýyna shaldyqqan. 12 jastaǵy qyz­ǵa júıeli túrde saýyqtyrý sharalary kerek. 5 jasar Gúl­náz­ǵa mıkrokornea, Peters sın­dro­my degen dıagnoz qoıylypty. Kózi kórmeıdi. Operasııa jasalsa, kórý múmkindigi bar. Kóńilge shýaq uıalatatyny – qaıyrymdylyq aksııasyna, ká­sip­kerlerdi aıtpaǵanda, stýdentterden bastap, zeınetkerlerge deıin atsalysty. Aksııa jan­ashyr­larynyń qatary kún saıyn k­ó­beıip kele jatqan kórinedi. Al tikeleı efır barysynda stýdııaǵa elge tanymal tulǵalar sha­qyrylyp, Almaty qalasy den­saýlyq saqtaý basqarmasynyń bas pedıatry Láılá Imanǵalıe­va, Olımpıada chempıony Jaq­sy­lyq Úshkempirov, qaladaǵy Tas­taq meshitiniń bas ımamy Kenjebek Myrzabaev, «Dos-Muqasan» to­bynan Aqjol Meıirbekov, Murat Qusaıynov aksııaǵa aralasty. Al bul kezderde naýqas ba­lalarǵa qarjylaı járdem bergisi keletin otandastarymyz úshin arnaıy bank esep-shottary jumys istep, janashyr azamattardan qa­rajat qabyldap jatqan bankpen tikeleı baılanys uıymdasty­ry­lyp, jınalǵan qarjy týraly málimet berilip otyrdy. Naýqas balalardyń esep-­sho­tyna aqsha salǵan kásipker Qa­dir­qul Syrman, ánshi Eskendir Ha­san­ǵalıevtiń otbasy, shákirtaqy­sy­nyń bir bóligin aýdarǵan magıs­trant Symbat Ábijanovpen áń­gi­me kópke áser etkeni sózsiz. Aıt­qandaı, tikeleı efırde aıadaı ǵana bólmede turyp jatqan Ramazan Esmaǵambetovtiń otbasynyń janaıqaıyna Astana qalasynyń ákimdigi ún qatyp, eki bólmeli páterdiń kiltin tabys etkenin júrgizýshiler súıinshilep jetkizdi. Mine, osylaısha, qaıyrymdy­lyq qazaqtyń qanynda bar qa­sıet ekenin kórdik. «Balapan» ak­sııasy ótetinin estip, redaksııaǵa habarlasqan úlken júrekti azamattar da kóp boldy. Sonyń biri osyndaı qaıyrly isterdiń ba­syn­da júretin kásipker, Almaty qalasy máslıhatynyń depýtaty Qusman Shalabaev edi. Nátıjesinde, halyqty qaıy­rym­dylyqqa shaqyrǵan aksııadan 5 saǵattyń ishinde 1 mıllıonnan astam teńge jınalǵany málim bol­dy. Al osy iske uıytqy bol­ǵan 1 jastaǵy «Balapan» tele­ar­na­sy búginde táýligine 12 saǵat memlekettik tilde habar tarata­dy. Bir jyldyń ishinde kórermen nazaryna 12 baǵdarlama, 1 mýl­tı­plıkasııalyq serıal usynyl­dy. Atap aıtsaq, búldirshinderdi shynyǵýǵa shaqyrǵan «Alaqaı, Balaqaı!», «Tolaǵaı», tátti uı­qy­ǵa jetelegen «Aıjuldyz», bilim­niń esigin qaqtyrǵan «Álippe», qııalǵa qanat bitirgen «Sheberhana», tanymdy arttyrǵan «Kel, oınaıyq!», «Erketaı», kóńil pernelerin basqan «Án salaıyq!», «Aıgólek» jáne t.b. baǵdar­la­ma­lar men ǵalamnyń ǵajaıyp syr­laryn ashqan «Ǵajaıypstanǵa saıa­hat» (200 serııa) mýlt­se­rıa­ly – «Balapan» telearnasynyń otan­dyq aqparat keńistigindegi ózindik betalysyn tanytty. «Balapan» telearnasy kórer­menin jýyrda oıyn-saýyqtyq «Qu­lynshaq», ázil-syqaqtyq «Ten­tegim», oqý-tanymdyq «Helloý, Balapan!» baǵdarlamalarymen qýantpaq. Al shytyrman oqıǵa­ly «Baldyrǵan» mýltserıaly – otandyq televızııadaǵy sony jańalyq bolmaq. Mýltıp­l­ı­ka­sııa­lyq serıal elordamyz Asta­nanyń mártebesin kóterip, aýyl­dyń jaǵymdy ımıdjin qalyp­tastyrýǵa qyzmet etpek. Balalar telearnasy ozyq otan­dyq ári álemdik balalar kıno­sy men anımasııalyq shyǵarmalaryn kórermen nazaryna qazaq tilinde (sapaly dýblıaj ónimderi) usy­natyn birden-bir arna. Máselen, osy ýaqyt aralyǵynda Sh. Aımanov atyndaǵy «Qazaqfılm» kı­nostýdııasy túsirgen 32 mýlt­fılm kórsetildi. «Balapan» ar­nasy endigi rette balalar kınosy men anımasııalyq fılmderiniń otandyq qoryn qalyptastyrýǵa negiz bolmaq. Aınash ESALI. Almaty.