Parasatty kózqaras qajet

Keshe Astanada elimizdiń Baılanys jáne aqparat mı­nıstrliginiń uıytqy bolýy­men «Sýısıdti BAQ-ta ja­rııa­laý jóninde aqparattyq saıasatty qalyptastyrý» ta­qy­rybynda dóńgelek ústel ótti. Basqosýǵa memlekettik organdardyń ókilderi, sýı­sı­dolog-sarapshylar, psıhologtar jáne BAQ ókilderi qa­tysty. Sýısıd – álem elderin tol­ǵan­dyrǵan qaýipti qubylysqa aı­nalǵany basy ashyq shyndyq. Ba­tys elderi de, Azııa memleketteri de oǵan asqan alańdaýshylyqpen qarap otyr. Sol sebepti de bul problemanyń aldyn alý maq­satynda strategııalyq zertteý ju­mystary qal-qaderinshe qol­ǵa alynýda. Elimizdi de  bul másele aınalyp óte qoıǵan joq. Qazaq­stan­nyń sýısıd qateri dendep en­gen memleketterdiń ishinde tu­rýy osynyń birden-bir dáleli. Bul rette, máseleniń mánisine tereńnen boılaý, onyń shyǵý sebepterin zertteý BAQ ókil­de­ri­nen jaýapkershilikti qajet etedi. Bul kúngi jıyn ózegi de osy­ǵan saıdy. Basqosý kezinde sóz alǵan elimizdegi telekommýnıkasııa salasynyń qyzmetkeri Aınash Gaısına sýısıd máselesin jazýdaǵy sheteldik BAQ-tardyń tájirıbesi tóńireginde áńgime qoz­ǵady. «Men sýısıd máse­le­si­niń shyǵý tegi men onyń aldyn alý baǵytynda júrgizip otyrǵan jumysyn saraptaı kele, Kana­da­nyń tájirıbesin bóle-jara aıtar edim. Bul el atalǵan kúrdeli máseleni memlekettiń emes, aza­mattyq qoǵamnyń strategııalyq zertteýleri negizinde anyqtaýǵa tyrysady. Iаǵnı, bul zertteýlerde qoǵamdaǵy túrli jaǵdaılar negizge alynady. Sondyqtan, biz de osyndaı elderdiń tájirıbesin basshylyqqa alǵanymyz abzal», dedi  A. Gaısına. Al Psıhıkalyq aýytqý­shy­lyq­tar máseleleri boıynsha me­dısınalyq ortalyqtyń ókili Elena Polıenko jastar men jas­óspirimderdiń qoǵamdaǵy kez kelgen aqparatty psıhologııalyq kózqaras turǵysynan qabyldaýǵa beıim turatyndyǵy, sondyqtan  bul máseleni de túbegeıli zertteý qajettigi jóninde óz oı-paıymyn jetkizse, telekommýnıkasııa sa­la­sy­nyń mamany A. Serǵazın  sýısıd máselesin jarııalaýdaǵy BAQ-tardyń róli jáne olardyń atalǵan jaǵdaıǵa áseri tóńi­re­ginde áńgime órbitti. «Árbir jýrnalıst óziniń jaz­ǵan dúnıesine baıyptylyqpen, saqtyqpen qaraýy kerek. О́ziniń jazǵany qoǵamdaǵy kez kelgen azamattyń sana-sezimine áser etýi múmkin ekenin oılaýy qajet. Búginde sýısıd máselesin qozǵaý qoǵamda ıntrıga týǵyzý úshin de qajet dep qaraıtyn BAQ ókil­de­ri bar. Bul qate túsinik. Son­dyq­tan, mundaı kúrdeli máseleni jazar aldynda oǵan asqan jaýapkershilik turǵysynan qaraý qajet dep sanaımyn», – dedi E. Polıenko. Jıyn aıasynda oǵan qaty­sý­shy­lar másele túıinin sheshýde memleket, qoǵam jáne BAQ-tar­dyń ortaq ustanymyn qalyp­tas­tyrý, sýısıd máselesin BAQ-tarda qozǵaýǵa qatysty arnaıy usynymdar tizbegin ázirleý jaıyn talqylady. Árıne, qaterli quby­lystyń, onyń beleń alý úderi­si­niń qoǵamǵa, azamattarǵa durys túsindirilýi máselege bir jaqty emes, jaýapkershilikpen qaraýdy talap etetini anyq. Sondyqtan, basqosý kezinde kóterilgen sýısıdke qatysty kez kelgen máli­met BAQ-ta jarııalanar aldynda san sıpattaǵy zertteýlerge, naq­ty derekkózderine súıenip baryp ázirlenýi qajet degen oı-paı­ym­dar da másele júginiń salmaǵyn kórsetedi. Jıyn qorytyndysynda ar­naıy usynymdar qabyldandy. Láıla EDILQYZY.