Búgin Astanada «Method Pro» jobasynyń tusaýkeser rásimi ótti. «Method Pro» baǵdarlamalaý mektebiniń bul bastamasy stýdentter úshin IT salasynda tájirıbe almasýǵa taptyrmaıtyn múmkindik. Elimizdiń enomıkasyn jańǵyrtýdy júrgizetin otandyq kásiporyndar men kompanııalarǵa qoldaý kórsetýdi maqsat etken bul jobaǵa Qazaqstan Respýblıkasy Tuńǵysh Prezıdenti – Elbasy qory qoldaý kórsetip otyr.
Baǵdarlamalaý mektebiniń negizin salýshylardyń biri Samat Esqazıevtiń aıtýynsha, irikteý týryna Qazaqstannan bólek, Qyrǵyzstan, Reseı, Túrkııa, AQSh, Avstralııa syndy alys sheteldiń stýdentterinen 8 myń usynys kelip túsken.
– Biz buǵan deıin de ár túrli startap jobalarmen jumys istegen edik. Sheteldegi oqýymyzdy bitirgen soń, baǵdarlamalaý jobasyn jasaýdy jón kórdik. Bul joba tájirıbesiz stýdentterdiń jumysqa ornalasý máselesin retteıdi. Irikteý úshin arnaıy saıt ashtyq. Iriktelgen 500 ótinishten 100 stýdentti iriktep aldyq. Qazaqstandyq kompanııalardyń aqparattyq-kommýnıkatıvtik qyzmetter róliniń nyǵaıýyna oń áser etedi, – deıdi Samat Esqazıev.
Stýdentter 12 maýsym men 9 shilde aralyǵynda oqý-óndiristik tájirıbeden ótedi. Tamaq, jatyn orynmen qamtylady. AQSh-tyń Qazaqstandaǵy elshiliginiń shaqyrtýymen qurama shtattyń IT salasyndaǵy bilikti mamandary óz tájirıbesimen bólisedi.
Samat Esqazıev, Dagar Dáýletov, Nurbolat Qosamǵulov 2014 jyly stýdent bola júrip, «Method Pro» baǵdarlamalaý mektebin qurǵan. Mektepten 3 jyl ishinde ınfokommýnıkasııa tehnologııa salasynda 1200-ge jýyq stýdentter bilim alǵan. Jıynda sóz alǵan «Tehnologııalyq damý boıynsha Ulttyq agenttik», AQ basqarma tóraǵasy M. Omarov, QazMÝZÝ Joǵarǵy Ekonomıka mektebi dekany Dılbar Gımranovalar jobanyń elektrondy jáne mobıldi úkimetti odan ári damytý arqyly sıfrlyq úkimetti qurý maqsatynda iske asyrylyp otyrǵan jóninde sóz sóıledi.
Aıa О́MIRTAI, «Egemen Qazaqstan»