Memleket basshysynyń tóraǵalyǵymen «EKSPO-2017» halyqaralyq kórmesin ótkizý máseleleri jóninde keńes ótti
Keńeske Prezıdent Ákimshiliginiń basshysy Á.Jaqsybekov, Prezıdenttiń kómekshisi – Qaýipsizdik keńesiniń hatshysy V.Jumaqanov, Bas prokýror J.Asanov, Memlekettik kúzet qyzmetiniń basshysy A.Kúreńbekov, Qorǵanys mınıstri S.Jasuzaqov, Ishki ister mınıstri Q.Qasymov, «Syrbar» syrtqy barlaý qyzmetiniń dırektory Ǵ.Baıjanov, Astana qalasynyń ákimi Á.Isekeshev, «Astana EKSPO-2017» UK» AQ basqarma tóraǵasy A.Esimov, Ulttyq qaýipsizdik komıteti tóraǵasynyń birinshi orynbasary S.Ábish qatysty.
Basqosýda «EKSPO-2017» halyqaralyq kórmesin ótkizýdiń jalpy tártibi jáne ony ótkizý kezinde elorda turǵyndary men qonaqtarynyń qaýipsizdigin qamtamasyz etý máseleleri qaraldy.
Memleket basshysy aldaǵy is-sharany daıyndaý jáne ony sapaly ótkizý úshin aýqymdy jumystar atqarylǵanyn atap ótti.
– Biz kóńil tolqytarlyq sátke – kórmeniń ashylýyna taıap qaldyq. Qazaqstannyń astanasyna keletin qonaqtar sany kóp bolady. Búginde «EKSPO-2017» kórmesine 1,2 mıllıon bılet satylǵan eken. Bul – biz kútkendegiden áldeqaıda kóp, – dedi Memleket basshysy.
Nursultan Nazarbaev álemdegi jaǵdaıdyń turaqsyz ekenin eskere otyryp, kórmeni ótkizý kezinde qonaqtar men el azamattarynyń qaýipsizdigin Astanada ǵana emes, barlyq óńirimizde de joǵary deńgeıde qamtamasyz etý mańyzdy ekenin atap ótti. Bul úshin ár basshyǵa jeke jaýapkershilik júkteledi.
Memleket basshysy keńes qorytyndysy boıynsha birqatar tapsyrma berdi.