Tanystyrylym aıasynda jınaqtyń 50 danasy Elbasy kitaphanasyna tartý etildi.
Jınaqty Qytaı áleýmettik ǵylymdar akademııasy (Beıjiń qalasy) qytaı tiline aýdarǵan jáne baspadan shyǵarý jumystarymen aınalysqan. Tanystyrylym barysynda Prezıdent keńsesi basshysynyń orynbasary Baqytjan Temirbolat QHR qoǵamdyq ǵylymdar akademııasynyń qurylǵanyna 40 jyl tolǵan mereıtoıymen quttyqtady.
«Mundaı ataýly mereıtoı 17 mamyr kúni toılandy. Mereıtoıǵa qatysty QHR tóraǵasy Sı Szınpınniń quttyqtaýynan-aq akademııanyń bedelin baǵamdaýǵa bolady. Akademııanyń zerttemeleri men basylymdary Qytaıda ǵana emes, shet memleketterde de tanymal. О́z kezeginde, úsh jyl buryn ǵana qurylǵan QR Tuńǵysh Prezıdentiniń kitaphanasy az ýaqytta kitaphana, mýzeı, arhıv, mádenı-gýmanıtarlyq, bilim berý jáne taldaý qyzmetterin atqaratyn iri ortalyqqa aınaldy. Keshe osynda QHR Tóraǵasy Sı Szınpınniń memlekettik basqarý týraly kitaby qazaq tilinde jaryq kórdi», dedi ol.
Tusaýkeserge arnaıy kelgen Qytaı áleýmettik ǵylymdar akademııasynyń prezıdenti Van Veıgýan jınaqqa qundy derekter engenin atap ótti.
«Barlyq qatysýshylardy jınaqtyń jaryq kórýimen quttyqtaımyn. Bul kitapta Qazaqstan Prezıdentiniń memleketti basqarý tujyrymdamalary, maqsattary men jumys máneri týrasynda óte qundy qujattar jınaqtalǵan. Bul kitappen tanysý arqyly Prezıdent Nazarbaevtyń álemdik deńgeıdegi saıasatker ǵana emes, Ult kóshbasshysy ataǵyna shyn máninde laıyq fılosof, danyshpan ekenin kóremiz», dedi Van Veıgýan.
Jınaq QR Prezıdenti Keńsesiniń qoldaýymen daıyndalǵan. Oǵan álem jurtshylyǵy qyzyǵýshylyq tanytqan Elbasynyń bastamalary, joldaýlary jáne maqalalary engen.
Aıta keteıik, 7-10 maýsym kúnderi Qazaqstanǵa QHR Tóraǵasy Sı Szınpın memlekettik saparmen keledi jáne Shanhaı yntymaqtastyq uıymynyń (ShYU) sammıti men «Astana EKSPO-2017» halyqaralyq kórmesiniń ashylý saltanatyna qatysady.