Kórmede 3 myń adam erikti bolýǵa nıet bildirgen, bir orynǵa 6 adam úmitker bolǵan, dep jarııalady qalalyq jastar saıasaty jónindegi basqarma bysshysy Ashat Oralov.
Onyń sózinshe, irikteýdiń basty talaby – til meńgerýine erekshe den qoıylǵan.
- Biz úsh tildi erikin meńgergen eń úzdik adamdardy tańdap aldyq. Bizdiń bazada túrik, qytaı, ıtalıan, jáne ózge de tilder bar. «Bolashaq» boıynsha alys shetelderde oqyp jatqan stýdentter de qatysýǵa ótinish bildirdi, - deıdi A.Oralov.
Oralovtyń aıtýynsha, úmitkerlerdi irikteýde jas ereksheligine mán berilmegen. Eń jas erikti 15-te. Ol Nazarbaev ıntellektýaldyq mektebiniń oqýshysy, birneshe tilderdi biledi. Al, eń úlken kómekshi - 70 jasta.
- Búgin bizde 50-den astam zeınetker oqytyldy. Bul zeınetkerlerimiz ben jastarǵa óte paıdaly. Jasy úlken azamattardyń kóbi nemis tilin meńgergen, al jastar sáıkesinshe, aǵylshyn tilin biledi, - deıdi A.Oralov.
Uıymdastyrýshylar ásirese sheteldikterdiń shara barysynda kómektesýge nıet tanytqany tańǵaldyrǵanyn aıtady. Mysaly, Astanaǵa Italııadan 12 erikti kele jatyr. Olar Mılanda ótken EKSPO-2015 kórmesinde de óz erikterimen kómektesken. Endi mine, Qazaqstan astanasyna kelip, óz tájirıbelerimen bólisip, kórmeniń ótýine atsalyspaq.
Halyqaralyq mamandandyrylǵan EKSPO-2017 kórmesi óz jumysyn 10 maýsym kúni bastaıdy.