Avtordyń aıtýynsha, ShYU búgingi tańda áıgili, abyroıly jáne ámbebap halyqaralyq birlestik, aımaqta qaýipsizdik pen turaqtylyqty qamtamasyz etýde áser etýshi faktor bolyp tabylady. «Onyń basqa uıymdardan basty aıyrmashylyǵy, 15 jyl buryn, Sankt-Peterbýrgte ekinshi sammıtte jınalyp jáne ShYU Hartııasyn qabyldap, uıymnyń quryltaıshy memleketteriniń basshylary onyń barlyq músheleriniń teń quqyqtyq prınsıpin qalady. Joǵary deńgeıli senimdilik, «Shanhaı rýhy» jáne birikken damýǵa ortaq umtylys ShYU-ny jańa úlgidegi uıymǵa, halyqaralyq qatynastardyń kóppolıarlyq júıesin qalyptastyratyn, qyzyǵýshylyq týdyratyn ortalyqtardyń birine aınaldyrdy», dedi spıker. Avtordyń sózinshe jaryq kórip otyrǵan kitap – ShYU-nyń 15 jyl ishinde atqarǵan qyzmetine tereń úńilip, tarıhymen keńirek tanysýǵa múmkindik beretin birden-bir eńbek. Kitapta ShYU-nyń paıda bolýy, tarıhy jáne halyqaralyq birlestikke múshe memleketterdiń fılosofııalyq jáne ıdeıalyq negiziniń qalyptasýy men bekitilý kezeńderi týraly materıaldar jınaqtalǵan. «Ves mır» baspasynan jaryq kórgen kitapta, sondaı-aq, uıymnyń negizgi oqıǵalary men is-sharalary jazylyp jáne de negizgi qujattardyń mátinderi, onyń ishinde ShYU Hartııasynyń mátini, ShYU-nyń 2025 jylǵa deıingi Damý strategııasy, «ShYU-nyń otbasy» memleketteriniń statıstıkalyq málimetteri kórsetilgen.
Raýan QAIDAR, «Egemen Qazaqstan»