Bakýdegi zamanaýı óner ortalyǵy qazaqstandyq sýretshilerdiń «Kún men neondar astyndaǵy Qazaqstan» atty kórmesin ashty. Bul týraly «QazAqparat».
Kórmege 16 qazaqstandyq sýretshi, sonyń ishinde 5 jas óner qaıratkeri qatysýda. Olar qalalyq landshaftar men ásem kórinister taqyrybyn zertteıdi jáne tarıhpen áýestenedi. Kórme aıasynda qalalyq ómirdiń shynaıylyǵynan oqshaýlaný aıasynda jeke tulǵanyń emansıpasııasy men jeke ómiri taqyrybymen aınalysatyn jas sýretshiler býyny tanystyryldy.
Kórme E.Meldibekov, B.Býbıkanova, G.Madanov, Z.Terekbaı, A.Meńlibaeva jáne basqa da sýretshilerdiń 1990 jyldardyń aıaǵy men 2000 jyldardyń basynda jasaǵan jumystaryn biriktiredi.
Kórme ústimizdegi jyldyń 7 maýsymynan 29 qazanyna deıin jalǵasady.