Saltanatty shara barysynda jas sportshylar ózderiniń birinshi jattyǵýyn keshenniń túrli zaldarynda Nıkolaı Soı, Nıkolaı Snegýrov, Elena Kotova, Dastan Aıapbek, Vasılıı Chernıkov syndy ataqty sport sheberlerimen birge ótkizdi.
Jańa dene shynyqtyrý-saýyqtyrý kesheni Maıqudyqtaǵy Belınskıı kóshesiniń boıynda ashyldy. Nysannyń qurylysy 2014 jyly bastalǵan. Ǵımarattyń jalpy aýdany – 2384,3 sharshy metr.
Sport kesheni úsh qabatty, ekinshi qabatta 100 kórermenge arnalǵan ámbebap minber salynǵan. Sonymen qatar, 4 jolaqty basseıni de bar.
Úshinshi qabatta 15 adamǵa arnalǵan kıim aýystyrý bólmesi, dýsh, bapkerler bólmesi, bokspen shuǵyldaný zaly bar.
Osy sport kesheninde bokstan, oıyn túrlerinen, aýyr atletıka jáne júzýden jattyǵýlar tegin júrgiziledi.