Oblysta mektepke deıingi bilim mekemeleriniń jelisin keńeıtý, jas búldirshinderdi tárbıe jumystarymen tolyq qamtý úshin barlyq jaǵdaı jasalýda. Atap aıtsaq, «Balapan» baǵdarlamasy aıasynda qolǵa alynǵan balabaqshalar sany jyldan-jylǵa kóbeıip keledi.
Mysaly, bıyl mektepke deıingi bilim mekemelerinde 1290 oryn sanyn qamtý josparlansa, qazir onyń 590 orny ashyldy. Aǵymdaǵy jyldyń sońyna deıin 1 memlekettik, sondaı-aq memlekettik-jekemenshik seriktestik negizindegi 3 balabaqsha jáne 3 shaǵyn ortalyq ashylmaqshy.
Balabaqshalardy kúrdeli jóndeýden ótkizý jumystary da basty nazarda. Búgingi kúnge deıin oblys ortalyǵyndaǵy 3 mektepke deıingi bilim mekemeleri 351 736,0 myń teńgege jóndelipti. Sonyń biri – №19 balabaqsha ǵımaraty. Ol jýyrda búldirshinderge qaıtara esik ashty. Ony zaman talabyna saı jóndeý úshin oblystyq bıýdjetten 116 240,0 myń teńge bólindi. Sonyń nátıjesinde atalmysh balabaqshadaǵy búldirshinderge arnalǵan orynnyń sany 150-den 280-ge artyp otyr.
Al Taraz qalasynda jalpy 32 balabaqsha men 21 shaǵyn ortalyq jumys isteıdi. Onda 11932 búldirshin tárbıelenedi.
Kósemáli SÁTTIBAIULY.
Jambyl oblysy.