Bul týraly Qazaqstan Syrtqy ister mınıstrliginiń baspasóz qyzmeti habarlady. Atalǵan sharany Qazaqstannyń Nıderlandtaǵy elshiligi men osy eldegi saıası jáne isker toptar arasynda ózindik bedeli bar Sociëteit De Witte klýby birlese uıymdastyrdy. Qazaqstannyń Nıderland Koroldigindegi Tótenshe jáne ókiletti elshisi Maǵjan Ilııasov qazirgi tańdaǵy ózekti saıası jáne áleýmettik-ekonomıkalyq úderisterdi nazarǵa ala otyryp, dóńgelek ústelge qatysýshylardy eldegi júzege asyrylý ústindegi reformalardyń basymdyqtary men maqsattary týraly tolyqqandy tanystyryp ótti. M.Ilııasov Qazaqstan-Nıderland yntymaqtastyǵyn sapaly túrde nyǵaıtýǵa múmkindik ashyp otyrǵan «Qazaqstannyń Úshinshi jańǵyrýy: jahandyq básekege qabilettilik» baǵdarlamasyn iske asyrý úrdisine aıryqsha toqtaldy. Atap aıtqanda, jıyn barysynda aýyl sharýashylyǵy, IT-tehnologııalar, kólik-logıstıka, 3D-prıntıng salalaryndaǵy ekijaqty is-qımyldy damytý múmkindikterine basa nazar aýdaryldy. Qazaqstannyń bastamalaryn tanystyrýǵa múmkindik bergen dóńgelek ústelge qatysýshylar Qazaqstan Úkimetiniń shetel ınvestorlaryna jasap otyrǵan quqyqtyq kepildemelerin, jeńildikter men preferensııalar jasaý, sheteldik kapıtaly bar kásiporyndardyń jumysyn yntalandyrýǵa baǵyttalǵan áreketterin joǵary baǵalady. Pikir almasý aıasynda Qazaqstannyń Táýelsizdik jyldaryndaǵy jetistikteri atap ótilip, rýhanı jańǵyrý jolynda júzege asyrylý ústindegi memlekettik reformalar oń baǵaǵa ıe boldy.
Gaagada jańǵyrý baǵdarlamalaryna arnalǵan basqosý ótti
296 ret
kórsetildi
Gaaga qalasyndaǵy Sociëteit De Witte saıası klýbynda Elbasy Nursultan Nazarbaevtyń «Qazaqstannyń Úshinshi jańǵyrýy: jahandyq básekege qabilettilik» atty Joldaýy men «Bolashaqqa baǵdar: rýhanı jańǵyrý» baǵdarlamalyq maqalasy aıasyndaǵy maqsat-mindetterdi túsindirýge arnalǵan dóńgelek ústel ótti.