QR Prezıdenti Jarlyǵymen Dinaralyq dıalogqa qosqan úlesi úshin Astana halyqaralyq syılyǵy men Álemdik jáne dástúrli dinder lıderleri seziniń qurmet medali belgilendi. Qujat normatıvtik quqyqtyq aktileriniń aqparattyq-quqyqtyq júıesiniń portalynda jarııalandy.
Syılyq álemdik jáne dástúrli dinder lıderlerine, qoǵam jáne saıası qaıratkerlerge dinaralyq dıalogty nyǵaıtýǵa qosqan asa kórnekti úlesi úshin taǵaıyndalady. Ol úsh jylda bir márte ǵana bir adamǵa beriledi.
Syılyqty bir adamǵa qaıtalap berýge jol berilmeıdi. Syılyq taǵaıyndalǵan adamǵa 20 myń dollar kóleminde syıaqy qarastyrady.
Eske sala ketsek, Álemdik jáne dástúrli dinder lıderleri sezi Astanada 2003 jyldan bastap ıslam, hrıstıan, ıýdaızm, sıntoızm, ındýızm jáne býddızmniń kórnekti ókilderiniń qatysýymen úsh jyl saıyn ótkizilip turady.