Aýdan ákimi Vladımır Dýdov 119 otbasynyń árqaısysyna 96 myń teńgeden demeýqarjy berilgenin, halyq qalaýlylary, jekelegen adamdar men kásipkerler tarapynan jan-jaqty kómek kórsetilgenin aıtty. Úıleri múldem jaramsyz qalǵan otbasylar jańa baspanalarmen qamtamasyz etilgen.
«Aqsha men úı alǵandaryńyz – jumystyń aıaqtalǵanyn bildirmeıdi. Oblysta jaǵdaı tolyq turaqtalǵansha bul jumysty jalǵastyratyn bolamyz. Memleket basshysynyń tapsyrmasy boıynsha tasqynǵa tosqyn qoıý jaıy Úkimette qaraldy. Bıyl qar 1,5-2 ese kóp jaýdy. Sergeev sý qoımasyna normadaǵydan 1,5 ese kóp jınaldy. Aldaǵy ýaqytta osyndaı oqys oqıǵalar oryn almas úshin Aqmola oblysynda taǵy bir sý qoımasyn salý jóninde usynys jasaldy. Sonda Sergeev sý qoımasy retteledi. Budan tysqary Petropavldaǵy Bylǵary zaýyty aýmaǵynda uzyndyǵy 2,5 shaqyrymdaı bóget turǵyzylady»,- dedi óńir basshysy.
О́mir Esqalı,
«Egemen Qazaqstan».