Joba qoldaý tapty

Keshe Májilis Tóraǵasy Oral Muhamedjanovtyń jetekshiligimen palatanyń kezekti jalpy otyrysy bolyp, onda jeti másele qaraldy. Kún tártibin talqylaý úderisi buǵan deıin Qazaq memlekettik qyzdar pedagogıkalyq ýnıversıtetiniń rek­torlyǵy qyzmetine taǵaıyndalǵan depýtat D.Nóke­taeva­nyń ókilettigin merziminen buryn toqtatýmen bastaldy. Advokatýra máseleleri boı­yn­sha keıbir zańnamalyq aktilerge ózgerister men tolyqtyrýlar engizý týraly zań jobasyn de­pý­tattarǵa Ádilet mınıstriniń oryn­basary Ámirhan Amanbaev tanystyrdy. Zań jobasy advo­kat­tyq qyzmetpen aınalysýǵa ar­nalǵan lısenzııany alý kezinde ko­mıssııa qyzmetiniń aıqyndy­ly­ǵy men jarııalylyǵyn qamta­ma­syz etýdi, úmitkerlerdiń taǵy­lym­damadan ótýine baılanysty máselelerdi retteýdi, sondaı-aq advokat usynatyn zań kómeginiń sapasyn baqylaý tetigin usynýdy kózdeıdi. Advokattyń lısenzııa alý jergilikti deńgeıde, ıaǵnı ádi­let departamentterinde júzege asyrylary belgili bolyp otyr. Attestattaý komıssııasy quramy­na jeti adam kiretin bolsa, onyń jumysy ashyq bolady dep kú­tilýde. Sondaı-aq, oǵan buqa­ra­lyq aqparat quraldarynyń ókil­deri de qatystyrylmaq. Depýtat Zeınolla Alshymbaev advokat­tar­dyń óz mindetterin oryn­daýy­na kedergilerdiń kóp ekendigin, azamattar isterimen tanysýyna múmkindik berilmeıtindigin kól­de­neń tartty. Zań jobasy biraz talqydan ótken soń birinshi oqylymda maquldandy. Sondaı-aq, kún tártibinde «Qa­zaqstan Respýblıkasy men Birikken Arab Ámirlikteri ara­syn­daǵy Qylmystyq ister boıynsha ózara quqyqtyq kómek kórsetý týraly kelisimdi ratıfıkasııalaý týraly» jáne «Qazaqstan Res­pýb­lıkasynyń Úkimeti men Qyr­ǵyz Respýblıkasynyń Úkimeti ara­syndaǵy óteýsiz áskerı-teh­nıkalyq kómek kórsetý týraly kelisimdi ratıfıkasııalaý týra­ly» zań jobalary qaralyp, ma­quldandy. Belgili bolǵandaı, soń­ǵy zań jobasy boıynsha Qa­zaqstan kórshiles Qyrǵyzstanǵa 3 mıllıon dollar kóleminde qaı­tarymsyz áskerı-tehnıkalyq kó­mek kórsetedi. Reseı Federa­sııa­sy bolsa osyndaı kelisim boı­yn­sha 362 mıllıon rýbl bólmek eken. Bıýdjet prosesinde memlekettik jáne bıýdjettik josparlaý jónindegi ýákiletti organdar ku­zyretiniń arajigin ajyratý má­se­leleri boıynsha keıbir  zańna­malyq  aktilerge  ózgerister men tolyqtyrýlar engizýge qatysty zań jobasyn depýtattarǵa Eko­nomıkalyq damý jáne saýda mınıstri Qaırat Kelimbetov baıandap berdi. Mınıstrge depýtat­tar­dyń qoıǵan suraǵy az bolǵan joq. Tıto Syzdyqov aýyldyq em­hanalardy respýblıkalyq bıýd­jetten qarjylandyrýdyń qys­qa­ryp qalǵandyǵyn aıta kelip, ony qalpyna keltirý qajettigin alǵa tartty. Endi bul másele bıýdjettik komıssııa otyrysynda qara­latyn bolady.  Talqylaý nátı­je­sinde Bıýdjet kodeksine ýákiletti organdardyń bıýdjettik jáne memlekettik jos­parlaý jónindegi ókilet­tik­teri men fýnksııa­lary­nyń arajigin ajyratý máseleleri boıynsha ózgerister men to­lyq­tyrýlar engizý týraly zań jo­ba­sy birinshi oqylymda maqul­dandy. «2011-2013 jyldarǵa ar­nal­ǵan respýblıkalyq bıýdjet tý­ra­ly» Qazaqstan Respýblıkasynyń Za­ńy­na ózgerister men tolyq­ty­rýlar engizý týraly» zań jobasy da maquldandy. Bıýdjet jos­pa­ryna engizilgen jańa tolyq­ty­rý­lar tý­raly Ekonomıkalyq damý jáne saý­da mınıstri Qaırat Kelimbetov,  Qarjy mınıstri Bolat Jámishev jáne  Ulttyq bank tór­aǵasynyń oryn­basary Bısenǵalı Tájııaqov baıandama jasady. Qar­jy jáne bıýd­jet komıtetiniń mú­shesi Baýyr­jan Smaıylov qo­sym­sha túsinik berdi. Sonymen, 2011 jylǵa arnalǵan respýb­lı­ka­lyq bıýdjet kirisi 3 035 459 279 myń teńge somasynda   aı­qyn­dalyp otyr. Kiris bóliginiń 45 672 006 myń teńgege azaıýy bıýdjetten QQS qaıtarý so­ma­synyń ósýimen baı­lanysty. Bıýd­jet tapshylyǵyn bekitilgen bıýdjetpen salys­tyr­ǵanda 34,6 mıllıard teńgege ul­ǵaıtý qo­sym­sha qar­jy kózin izdestirýdi talap etedi.  Únemdeý ese­binen bosa­tyl­­ǵan 93,8 mıllıard teńgeni ózge is-sharalarǵa bólý usy­ny­lyp otyr. Jalpy, 2011 jylǵa arnalǵan respýblıkalyq bıýdjettiń shy­ǵys­tary 217,9 mıllıard teńgege ulǵaıa otyryp, 5170,3 mıllıard so­masynda belgilenip otyr. Osy oraıda áleýmettik salaǵa arnal­ǵan shyǵystardy 40,7 mıllıard teńgege ulǵaıtý usynylady. Aýyl sharýashylyǵy salasyn qar­jylandyrýǵa 38,8 mıllıard teńge qarastyrylǵan. Al memlekettik údemeli ındýstrııalyq-ın­novasııalyq damý baǵdarlamasy sheńberindegi shyǵystar 78,9 mıllıard teńgege ulǵaıtylǵan. О́ńir­lerdi damytýǵa arnalǵan shy­ǵys­tar 130,2 mıllıard teńge kóle­min­de bekitilse, Úkimet rezervin tolyqtyrý úshin 23,1 mıllıard teńge baǵyttalady. Zańdyq qujat depýtattar tarapynan qoldaý taýyp, maquldandy. Asqar TURAPBAIULY.