Memleket basshysy Shanhaı yntymaqtastyq uıymyna múshe memleketter basshylary keńesiniń otyrysyna qatysýshylarǵa arnalǵan konsertke qatysty, dep habarlady akorda.kz.
Konsertte qazaqtyń halyq ánderi jáne ár túrli elderdiń áýenderi, sondaı-aq álemge áıgili klassıkalyq shyǵarmalar oryndaldy.
Sharaǵa ShYU-ǵa múshe memleketterdiń belgili shyǵarmashylyq uymdary qatysty. Olardyń qatarynda, atap aıtqanda, «Astana Opera» opera jáne balet teatrynyń sımfonııalyq orkestri, Abaı atyndaǵy Qazaq memlekettik akademııalyq opera jáne balet teatry men «Astana Balet» teatrynyń toptary, sondaı-aq M.Pıatnıskıı atyndaǵy Memlekettik akademııalyq orys halyq hory (Reseı), «Nadam» bı ujymy (Úndistan), «Akak» qomyzshylar ansambli (Qyrǵyzstan), Chjeszıan provınsııasynyń akrobattyq óner trýppasy men Qytaıdyń opera jáne bı memlekettik teatry, «Gúlrez» bı ansambli (Tájikstan), «О́zbekstan» án men bı memlekettik ansambli bar.